İ ruj Həx bə Nohəxi Vote: Boy dumo Həxi. Bə hiç kəsi du məvot, Sıxani rosti bıvot. Bə har kəsi şər mağand, Duədə davo emağand. Duston məjən bəyəndı, Deşmen nıbun deyəndı.
Çanə votışe Həxi, Xoş nome bə Hohəxi. Ha vote-vote ımon, Omeyn beşin bə divon. İyo ve heyso-bəhs be, Çı Həxi votəy nıbe. Həx vote: Həx çemıne, Az həxim, həx demıne. Nohəx vote: Həx azim, Az har koədə səbarzim.
Hohəxi jığo karde, Həxi həx iyo marde. Nohəxi ve vote du, De du iyo oməy zu. Sıxan ve barzı-kırt be, Həxi həx dıləhırd be. Çe divoni hıkmiku Həxışon qəte de zu, Dənışone bə zindon, Nohəx mande bə biton.
Esə zınəme həni, Ko de qəvi votəy ni. Zirəkəti koy bardə, Harko jığo dəvardə.
