Главная » 2012 » Февраль » 27 » Bakı-Teləviv arasındakı hərbi müqavilənin təfərruatı

---

19:55 Bakı-Teləviv arasındakı hərbi müqavilənin təfərruatı

Sionist İsrail rejimi ilə Azərbaycan Respublikası hökuməti arasında gözlənilməz hərbi müqavilə imzalanıb. ABŞ-da çıxan Vaşinqton Tayms qəzetinin yazdığına görə 1.6 milyard dollar dəyərində olan bu müqavilənin şərtlərinə əsasən Azərbaycan Respublikasına pilotsuz təyyalər, havadan medafiə sistemi və raket əleyhinə qurğuların təhvil verilməsi nəzərdə tutulub. Qəzet İsrail rejiminin öz hərbi texnologiyasını İranla həmsərhəd bir ölkəyə gətirməklə İran İslam Respublikasına qarşı müəyyən təhdidlər yaratmasından məmnun qaldığını qeyd edir. Vaşinqton postun yazdığına görə, İsrail Türkiyə ilə strateji hərbi əməkdaşlığı pozulandan bəri özünə regionda, həm də İrana yaxın yerdə etibarlı müttəfiq axtarırdı  və hazırda Azərbaycan Respublikası onun üçün ən məqbul varyantdır. Digər tərəfdən bu müqavilənin Mossad agentlərinin Azərbaycan Respublikası vasitəsilə İrana get-gəl etməsinin faş olunduğu bir vaxtda açıqlanmasının özü Tehran-Bakı münasibətlərində əlavə anlaşılmazlığa səbəb ola bilər. Maraqlı məqam isə bundan ibarətdir ki, rəsmi Bakı özünün  sionist rejim ilə  əmakdaşlığını  gizli saxlamağa  cəhd edən bir  zamanda  rəsmi  Bakının sionist müttəfiqi  bu  gizlinləri  açmaqla  Azərbaycanlı  dostlarını bilərəkdən  çətin  vəziyyətə  salır! Eyni zamanda faş edilib ki,  Azərbaycanla İsrail arasında raket daşıya bilən pilotsuz kəşfiyyat təyyarələrinin alınmasına dair danışıqlar da gedir. ABŞ-ın Vaşıngton Taymes qəzetinin saytının istinad etdiyi anonim mənbələr bildirir ki, söhbət İsrailin "Elbit” şirkəti tərəfindən istehsal edilən "Hermes 450" pilotsuz kəşfiyyat təyyarələrindən gedir. ” Kəşfiyyat xidmətlərinin məlumatlarına görə, Təl-Əvivlə Bakı arasında İsrail istehsalı olan kəşfiyyat peyklərinin alınmasına dair danışıqlar da aparılmaqdadır. Beləliklə də İsrail rejimi və Azərbaycan R. hökuməti  arasında yeni strateji hərbi əməkdaşlıq niyyətinin gerçəkləşməsindıən söhbət gedir. Və rəsmi Bakı İsrail rejimilə hərbi və hərbi-texniki əməkdaşlıq sahəsində ciddi addımlar atmağa nəinki razı olub, hətta  ərəb krallıqlarının  ABŞ , Fransa və İngiltərə ilə  iri həcmli silah-sursat  müqavilələrindən daha  bahalısını  sionist rejim ilə bağlayıb. Bir sözlə rəsmi Bakı silah  satın almaq adı ilə sionist rejimə  külli miqdarda  vəsait  ayırır.  Başqa məlumata görə isə, İsrail rejiminin hərbi təlimatçıları Azərbaycan Silahlı Qüvvələrinin hərbi qulluqçularının təlimində iştirak edə bilərlər. Onlar ayrı-ayrı komandirlərin hərbi müşavirləri də ola bilərlər. Xülasə, burada söhbət hərbi və hərbi-texniki əməkdaşlıqda yeni sıçrayışdan gedir. Qeyd edək ki, son aylar İsrail rejimilə Türkiyə arasında bütün sahələrdə əməkdaşlıq münasibətləri demək olar ki, dayanıb, iki ölkə arasındakı hərbi və hərbi texniki əlaqələr sionist rejimin  Türkiyəyə etdiyi  xəyanətlərə və nüqsanlı texnikanı  baha qiymətlə  rəsmi  Ankaraya satmağa görə tam dondurulub. Nəzərə alınmalıdır ki, bir müddət əvvəl Türkiyənin Azərbaycan R-dakı fövqəladə və səlahiyyətli səfiri Hülusi Kılıc rəsmi Bakıya İsrail rejimilə əlaqələrə yenidən baxmaq tövsiyyəsini ünvanlamışdı. Belə olan təqdirdə, Azərbaycan və İsrail rejimi hərbi əlaqələrində yeni detalların üzə çıxması Bakı və Ankara arasındakı münasibətlərdə gərginlik yarada bilər. Görünən budur ki, artıq  sionistlər Azərbaycan Respublikası ilə hərbi əməkdaşlıqlarının mahiyyətini gizlətmək də istəmirlər. Heç şübhəsiz alınan silah və hərbi təchizatdan Qarabağın azadlığı uğrunda gedə biləcək hər hansı müharibədə istifadə olunmayacaq. Və adının gizli qalmasının istəyən israilli mənbələrin bildirdiyinə görə bu haqda həm Ermənistana , həm də ABŞ-dakı yəhudi lobbisinə zəmanət verilib. Ona görə də  İsrailin Azərbaycanla hərbi müqaviləsinə İrəvandan etiraz olunmadı. Müşahidələr göstərir ki, sionistlər ermənilərlə sıx kontaktdadırlar. İsrailin hökumət çevrələrində gizli mənbələrə malik olan "İzRus” portalının yaydığı xəbərdə deyilir ki, noyabrın əvvəllərində İrəvandan Təl-Əvivə siyasi və strateji sahədə məsələləri müzakirə etmək səlahiyyətinə malik yüksək rütbəli rəsmi şəxs səfər etmişdi. Səfər zamanı erməni-sionist əməkdaşlığının detalları müzakirə olunub. Ona görə də heç şübhə yeri qalmır ki, İsrail rejiminin Azərbaycan Respublikası ilə hərbi əməkdaşlığı Ermənistanın və ya Rusiyanın əleyhinə deyildir. Yeri gəlməşkən qeyd edək ki, ötən ilin oktyabr ayı İsrailin "Debka” saytı məlumat vermişdi ki, rəsmi Tel-Əviv Azərbaycan Respublikasında İran İslam Respublikasının nüvə obyektlərini izləmək üçün baza açmaq istəyir. Bu istiqamətdə ən azı pilotsuz təyyarələrin hansı məqsədlə Azərbaycana gətirilməsinin sirri açılmaqdadır. Başqa sözlə sionistlər bu hərbi texnikadan Azərbaycanın öz ərazi bütövlüyünün bərpası və torpaqların erməni işğalından azad edilməsi üçün istifadə olunmasına heç bir vəchlə icazə verməzlər. Sadəcə Azərbaycan xalqının sərvətləri hesabına sionistlər cənubi Qafqazda öz mövqelərini möhkəmləndirməyə nail olurlar. Bu üzdəniraq hərbi əməkdaşlığın daha bir fəsadı isə israilli hərbi mütəxəssislərin Azərbaycanın hərbi sirrlərini müntəzəm şəkildə ermənilərə ötürmələridir. Bu isə o deməkdir ki, Ermənistan dövləti heç bir xərcə düşmədən Azərbaycan ordusuna nəzarəti öz əlində saxlayacaq. Beləliklə də işğalçı israil rejiminin Azərbaycan ordusuna daxil olmasının səbəblərini beləcə xarakterizə etmək olar: 1. Azərbaycanın strateji mövqelərini oyrənib işğalçı Ermənistana göndərmək. 2.  Azərbaycanda islamçıları ələlxüsus şiələri təqib edərək nəzarətdə saxlamaq və onlara zindanlarda və xüsusi saxlanma kaloniyalarında işkəncələr vermək. Eyni ilə Fələstin və livanda gördükləri vandanlığı burada da təkrarlamaq. 3.  Pozğunçuluq yaymaq  və milli-mənəvi dəyərləri aradan aparmaq. 4.    İİR-na qarşı təxribatları gücləndirmək və ölkəyə qarşı casus şəbəkələrini artırmaq. 5.    Türkçülüyü Azərbaycanda şişirdərək krizis vəziyyətinə gətirmək və bununla da Türk-Fars söhbətlərini daha da aktuallaşdırmaqdır. Və nəhayət Sionistlər hər yerdə qol-qanad açırlar oranı öz poliqonlarına çeviriblər. Belə ki, heç kəsə sirr deyil ki, ABŞ kimi dövlət və onun aparıcı ictimai - siyasi rəhbərliyi Sionist lobbisinin təsiri altındadır. Təbiidir ki, belə bir ekspansionist rejimlə əlaqədə olmaq və xüsusən onunla hərbi təhlükəsizlik əlaqəsi qurmaq onun xərçənqvari toruna düşməkdir və bu hər nədən öncə Az. R. kimi ölkənin milli təhlükəsizliyinə ziddir (Səhər TV). TALISH.ORG

1 2 3 4 5 Категория: Dünyada | Просмотров: 1510 | Добавил: admin | Рейтинг: 5.0/2

Всего комментариев: 0