Bahalı avtomobili saxlanılan Lənkəranın icra başçısı Taleh Qaraşov YPX əməkdaşı ilə “çənə-boğaz” olub

Bir neçə gün əvvəl Bakı-Astara magistral yolunada YPX əməkdaşıyla son model, ağ rəngli,  “Ranc Rover pp sport” markalı avtomabil sahibi arasında mübahisə olub.

Bu barədə infom.az-a hadisə şahidləri məlumat verib. Onların bildirdiyinə görə, sürücü ilə mübahisə edən YPX əməkdaşı gözlənilmədən avtomobilin arxa oturacağında əyləşən Lənkaran Şəhər İcra Hakimiyyətinin başçısı Taleh Qaraşovun qəfil müdaxiləsiylə tam hövsələdən çıxıb.

Yarım saatlıq mübahisədən sonra YPX əməkdaşına gələn zəng ortamı yumşaldıb. Bundan sonra tərəflər arasında mehribanlıq yaranıb, hətta serjantla başçı qohum çıxdıqlarını dilə gətirib və hərə öz yoluna davam edib.

Məlumat üçün qeyd edək ki, Taleh Qaraşov həmkarlarından dəbdəbəli, elit həyat tərziylə seçilir.

Onun təkcə bu ilin yayında istirahət və əyləncə üçün yarım milyon manatdan çox vəsait xərcləməsi barədə yerli və xarici mediada iddialar var.

Həmin məlumatda deyilir ki, Taleh Qaraşov 11 nəfər ailə üzvü (övladları və nəvələri) ilə birlikdə Çexiyanın məşhur Karlovı Varı kurort şəhərində keçirib.

Qaraşovlar ailəsi iyulun əvvəlində AZAL şirkətinin Bakı-Praqa reysi ilə biznes-klass salonunda Çexiyaya uçub. AZAL-da bu reysə bir biletin qiymətinin 1500 manat olduğunu nəzərə alsaq, 11 nəfərin gediş haqqı 16.500  manat edir.
 
Onlar ölkəyə yenə həmin reyslə “biznes-klass”da qayıdıblar.

Məlumata görə, icra başçısı və ailə üzvləri Karlovı Varıdakı dəbdəbəli “Carlsbad Plaza” otelində 6 otaqda yerləşiblər. Bu oteldə bir nömrənin sutkalıq qiyməti 2 min dollar olduğundan ailə otel üçün bir günə 12 min, bütöv istirahət müddəti- 21 gün üçün isə 252 min dollar ödəyib.

Beləliklə, təkcə aviareys və otel xərci yarım milyon dollara yaxındır . Təbii ki, 11 nəfər insanın hər birinin digər xərcləri, şəxsi istehlak məqsədi ilə xarici ölkədən alacağı əşyalar da ola bilərdi.

Dincəlmək və yaxud da bahalı avtomobilə, vilalalara sahib olmaq hər kəsin haqqıdır. Azərbaycan insanının özünə yüksək həyat səviyyəsi yaratması da qürurvericidir.

Amma ayda cəmi 1000 manat əmək haqqı alan və kommersiya fəaliyyəti qadağan edilən məmurun bu qədər pulu haradan qazanmağı istər-istəməz suallar doğurur.

Bəlkə Taleh Qaraşova ata-babadan içərisi qızıl pulla dolu küp qalıb? ...Çox güman ki, YPX əməkdaşı da dəyəri 150 min manatlıq avtomobili saxladarkən sahibindən yaxşı pul “çəkəcəyini” düşünüb. Daha bilməyib ki, Taleh Qaraşov illərdi ki, bütöv bir rayon əhalisini quru vədlə, şirin dillə yola verir.

Özünün birbaşa yola gətirə bilmədiklərinə isə başqa şəxslər vasitəsilə təsir edir...

http://infom.az/