ALLAH ŞƏHİDLƏRİMİZƏ RƏHMƏT ELƏSİN!
70 ildən çox ömür sürə bilməyən, mahiyyət etIbarı ilə Xalqlar həbsxanasına çevrilən, mürtəce Sovet İmperiyası keçən əsrin 80-ci illərin sonlarında vətənimiz Azərbaycanın müstəqilliyi uğrunda baş qaldırmış Azərbaycan Xalq Hərəkatını nəyin bahasına olursa olsun, yerindəcə boğmaq istəyirdi. Buna baxmayaraq ölkəmizdə dilindən, dinindən və milli mənsubiyyətindən asılı olmayaraq bütün vətəndaşları zalım rejimin buxovlarını öz qanları bahasına da olsa, qırmaq əzmi ilə möhtəşəm İstiqlaliyyət mübarizəsinə qalxdılar! Vətənimizdə günbəgün şölələnən Azadlıq alovundan vahimələnən işğalçı Sovet imperialistləri, artıq 1990-cı ilin ilk günlərində misli görünməmiş hərbi texnika və canlı qüvvə ilə Respublikamızın sərhədlərinə daxil oldular. Azərbaycan vətəndaşları artıq öz tale yolunu seçmişdilər: Azadlıq, İstiqlaliyyət və əbədi müstəqillik! Lakin, rejim qan tökmək istəyindən daşınmırdı!
Odur ki, 1990-cı il 19 yanvardan 20-nə keçən gecə namərd Mixail Qorbaçovun əmri ilə xain, qaniçən Sovet ordu birləşmələri vətənimizi paytaxtı Bakı şəhərinə daxil oldular. Onlar həmin gecə sonzuz Azadlıql eşqi ilə paytaxtımızın küçələrində əliyalın dayanan insanların üstünə ağır hərbi texnika ilə hücuma keçdilər! Uşaqlara, qocalara, qadınlara, əlillərə aman verməyən bu vəhşi qaniçənlər Azərbaycan vətəndaşlarını qanlarına qəltan etdilər!
Həmin gecə ölkəmizdə ölüm, ya olum mübarizəsinə qalxan Azərbaycan vətəndaşları Azadlığı, Müstəqilliyi naminə qəhrəmancasına şəhid oldular, amma bir addım da olsun, geri çəkilmədilər!
"20 Yanvar Şəhidləri”nin bu misli görünməmiş güc bərabərsizliyi cəngində apardıqları mübarizə Azərbaycana müstəqillik qazandırdı! Budur, artıq 24-cü ildur ki, Azərbaycan Respublikası müstəqildir!
Azəri-Talış İctimai Birliyi bəyan edir ki, vətənimiz Azərbaycanın müstəqilliyi naminə canlarını fəda etmiş "20 Yanvar Şəhidləri”nin ruhunu uca tutacaq və onlar daim xatirimizdə yaşayacaqdır! Fəaliyyətimizi şəhidlərimizun uğrunda canlarını fəda etdikləri ideyaları: Azərbaycan Respublikasının dövlətçiliyinin əbədiliyinə, ərazi bütövlüyünün müqəddəsliyinə məhəbbət və hörmət ruhunda davam etdirəcək, eləcə də onun qüdrətlənməsi, çiçəklənməsi naminə əlindən gələni edəcəkdir!
Allah Şəhidlərimizə rəhmət eləsin!
Mehdibəy Səfərov
Azəri – Talış İctimai Birliyinin sədri
