Yaxud, insanlıq həddini aşmış, ləyaqətini itirmiş, ürəyində Allahın xofu olmayan ailəsinin onu intihar həddinə çatdırmasının səbəbi nədir?

1983-cü ildə Masallı rayonunun Xanalion kəndində “ruhani tayfası”  kimi tanınan Qədirovlar ailəsinə bədbəxtlik üz verdi. Sərhədəli kişinin ömür-gün yoldaşı Sürəyya xanım xərçəng xəstəliyindən vəfat etdi.

On baş küflətin müsibətli günləri də o vaxtdan başladı…

Ata evində böyük qız uşağı olan Xatirə xanım bacı-qardaşlarının bütün yükünü üzərinə götürür. Həddi-buloğa çatandan sonra o, qonşu Kolatan kəndində Şahbazov İsa adlı oğlana ərə gedir.

Xatirənin Aygün adlı xanım-xatun qızı dünyaya gəlir. 

Aygünün beş yaşı olanda anası Xatirə vərəm xcəstəliyinə tutulur, bu xəstəliklə də baxımsızlıq ucbatından vəfat edir. Anadan yetim qalan balaca Aygünün ana qohumları ona sahib çıxmadığından, övladı olmayan əmisi arvadı Gülşən xanım onu himayəsinə götürüb, analıq qayğısı göstərməklə, yaxşı tərbiyyə edir.

Yetkinlik yaşına çatanda namaz qılıb quran oxuyan, məsumluq dövrünü yaşayan bu zavallı qızcığaza elçilər gəlməkdə idi. Əmisi Şahbabanın Bədəlan kəndindəki dostu Cəmil bütün elçiləri qabaqlayıb, oğlu Ruslanla nigah bağlamasının razılığını alır.

Aygünün əmiləri, dayıları, eləcə də bütün el-oba ona təm-təraqlı toy məclisi qurub, gəlin köçürtdülər.

İsa yeznəsinin heç yerdə işləmədiyini nəzərə alıb, Rusiya Federasiyasında bircə balası Aygün üçün hər ay pul göndərirdi. Bu müftəxorluğa alışan Ruslan qaynatası İsadan maşın alması üçün pul istəyir. İsanın və Cəmilin dediyinə görə iki il öncə 2500 ABŞ-dolları ona göndərilir ki, VAZ-2106 markalı maşın alsın.

Heç bir ay keçməmiş maşını qəzaya salıb sıradan çıxaran Ruslan maşının təmirinə də pul tələb edir…

Həmin vaxtda İsa xəstələnib, bağırsaqdan əməliyyat edildiyindən pul göndərmək imkanı olmur, Evdə də Aygünün gününü “qara dəsmala“ bükürlər. Bir yandan Cəmilin qonşuluğunda gəlin olan qızı, evdə qynanası Nisə, digər tərəfdən də əri Ruslan ona işgəncələr verib,  tərbiyyəsiz küçə söyüşləri söyməklə döyüb təhqir edirlər.

Aygünü o həddə çatdırırlar ki, hətta südəmər körpəsini ondan alıb yedizdirməyə də imkan vermirlər. Belə zülümlərə tab gətirməyən Aygün intihar etmək zorunda qalıb, evdə nə qədər və hansı adda dərmanlar olursa, hamısını qəbul edir. Ağır koma vəziyyətində rayon xəstəxanasına aparılır. 

Bir neçə gündən sonra həkimlərin səyi ilə Aygün ölüm təhlükəsindən xilas edilir.

Bu əhvalatları eşidəndən sonra həmin ailə ilə dərindən maraqlanmağa başladım.

Kənd camaatının dediyindən məlum oldu ki, sən demə bu başıpozuq Ruslan (fotodakı gənc) gənc qızları aldadaraq ailə qurması, bir neçə aydan sonra onların əmlak və cehizlərini mənimsəyib, boşanması bəlli oldu. Bu da bəlli oldu ki, Aygün onunçün dördüncü arvaddır. 

Mənə çox maraqlı olan məsələ bu oldu ki, heç bir faydalı əməklə məşğul olmayan, işləyib pul qazanmağın nə olduğunu bilməyən bu əxlaqsız Ruslan ”bala” hansı pulla “həftə səkkiz, mən doqquz“ RF-na təyyarə ilə gedib-gəlir?

Ən son maraqlı və tükürpədici məsələsi də bu olub ki, Cəmilin Gəncə şəhərində olan iki uşaq anası, ərindən boşanmış bacısı Ruslanla yeni eşq məcarası yaşamaqdadır. Yəni doğmaca bibisi ilə.

Tükürpədici məsələdən biri də budur ki, Ruslan vəkil tutub, Ayğünü boşamasına qərarlıdır. Aygün isə körpəsindən ayrılmayıb, həmin ər evində bütün zülümlərə dözərək, əmi evinə qayıtmamasına israrlıdır. Digər tərəfdən də dayıları Kərbəlayi, Hacı olmasına və maddi imkanları çatmasına baxmayaraq, bircə yetim qıza sahib çıxmaması, atası İsa rus arvadından ayrılıb bircə qız övladına sahib çıxmamasıdır. 

07. 05. 2015-ci il tarixdə Aygünün boşanma ilə bağlı məhkəməsi olacaq.

Aygünün faciəvi həyat dramını ixtisarla ictimailəşdirməkdə məqsəd, bu ədalətsiz ölkənin rüşvətlə baş kəsən bəzi hakimləri əgər Ruslanın xeyrinə qərar çıxararsa, Aygün də intihar etməsinə israrlı olmasını nəzərə alıb, ona yardımçı olmaqdır.

Qəlbində Allahın qəzəbinin xofu olan insanları sivil cəmiyətimizə ləkə olan Ruslan kimi nadürüstləri ictimai qınağa səsləyirəm.

Mətləb PERO