...Şəkildə gördüyünüz bu şəxslər şərlənərək həbs olunmuş ata və oğuldur- Ruhullah Axundzadə və onun oğulu Məhəmmədəli. 

Ruhullah bəy 5 ilddən çoxdur ki, həbsdədir. O, İslam partiyasının Astara şöbəsinin sədridir. 2011- ci ildə 11 il 6 ay həbs cəzasına məhkum edilib. Onun və eləcə də digər dindarların hüquqlarını müdafiə etdiyinə görə Nardaran hadisələrindən sonra onun oğulu Məhəmmədəli 28 dekabr 2015- ci ildə həbs olunub. "Milli maddə" - narkotika ittihamı ilə həbs olunan Məhəmmədəli haqqında bu yaxınlarda Lənkəran Ağır Cinayətlər Məhkəməsinin qərarı ilə 5 il 6 ay həbs cəzası çıxarılıb və o hazırda həbsdədir. O, məhkəmədə çıxışında günahsız olduğunu və fəaliyyətinə görə şərlənərək həbs olunduğunu bildirib. 

Ata da həbsdədir, oğul da. Görürsünüzmü bizim hakimiyyətimiz nə qədər "səxavətli" və "müdrik"- dür ki, ata ilə oğulu ayırmır. Atanın dalınca oğulu da həbsə göndərir. 

Ruhullah Axundzadə kimi onun oğulu Məhəmmədəli də siyasi məhbusdur. Gəlin siyasi məhbusları müdafiə edək. Yoxsa bu hakimiyyət bütün siyasi məhbusun ailələrini, yaxınlarını, nəsillərini, onların salam verib salam aldığı hər kəsi həbsxanaya göndərər. 

Qeyd edək ki, Məhəmmədəli Axundzadə Məşhəd şəhərində Dini Mədrəsədə təhsil alırdı. O ilahiyyat təhsili almaqla yanaşı bəzi məqalə və tənqidi yazıları, o cümlədən tənqidi sosial şəbəkə statusları ilə yadda qalıb. Məhəmmədəli Axunzadə Nardaran hadisələrindən sonra Azərbaycana qayıdarkən həbs olunmuş və 234.2-ci maddə ilə (istifadə miqdarından artıq narkotik maddə daşıma) ittiham olunub. 

Oktay GÜLALIYEV

Hüquq müdafiəçisi