Bu
günlərdə Astara şəhərinin dəmir yol vağzalı ərazisində dəniz
kənarındakı qumluq sahənin ekskavatorla qazildığını və qumun bir neçə
"Kamaz” markalı yük maşınlarına doldurulduğunu görəndə dərhal ora
yaxınlaşdım və bir vətəndaş kimi bu geyri-qanuni hərəkətə öz qəti
etirazımı bildirdim.
Elə bu vaxt bir neçə qalstuklu adam mənə
yaxınlaşıb buranı tərk etməyimi tələb etdilər. Onlardan bu qanunsuz
hərəkətlərinə son qoymaqlarını tələb etdikdə, guya "xüsusi idarənin”
işçiləri olduğunu bildirib, bilavasitə Astara Rayon İcra hakiminin
başçısı Mahir Quliyevin tapşırığı ilə burada "Qum karxanasası”
yaratdıqlarını bildirdilər və mənə öz xoşumla buradan getməyi tövsiyyə
etdilər. Mən isə daha da inadkarcasına onlari dəniz kənarını qazmağa və
qumunun daşınmasına son qoymalarını tələb edəndə, qalstuklular Astara
rayon polis şöbəsinin mayoru Ramiz Əskərovu köməyə çağırıb məni
hədə-qorxularla ərazidən uzaqlaşdırmağa başladılar.
Böyük
mübahisələrdən sonra mən oranı tərk etməyə məcbur oldum və müvafiq
şikayətimi ətraflı şəkildə ölkə rəhbərliyinə və KİV-ə göndərdim.
Hörmətli
TALİSH.ORG, Sizdən də xahiş edirəm ki zonamızın füsunkar gözəlliyinə
qarçı yönəldilmiş bu biabırçılığa son qoyulmasında bizə mənəvi dəstək
olasınız.
Vagif Əhmədoğlu (Ərçivan kəndi) (Astara rayonunun sabiq icra başcısının müavini)
P.S. Biz TALİSH.ORG olaraq Vaqif
müəllimin respublika rəhbərliyinə də barəsində ünvanladığı bu
dərəbəylik haqqında oxucularımızı məlumatlandırmaqla yanaşı, bu
yaxınlarda həmin rayonun Qəmişovka-Şahağac ərazisində dəniz kənarından
qumun qeyri-qanuni yollarla daşınmasını sübut edəcək, təsadüfən qeydə
alınmış bir video-görüntünü də nəzərinizə çatdırmağı vacib sayırıq.
Güman edirik ki, müvafiq organlar yuxarıda qeyd edilən cinayətlərə öz
münasibətlərini bildirəcəklər.
