Главная » 2012»Март»13 » Astara icra başçısından çaşmamağı tələb edirəm
23:54
Astara icra başçısından çaşmamağı tələb edirəm
Bir də yaltaq, üzdən iraq idarə Rəislərini, məktəb direktorlarını deyil, rayondakı narazı təbəqənin səmimi olanlarına diqqət edib onları dinləsəniz hər şeyi düzgün analiz etmək şansı əldə edərsiniz
Azərbaycan Respublikasının Prezidentinin Astara Rayon üzrə Səlahiyyətli nümayəndəsi Rayon icra başçısı Taleh Qaraşova böhtan, şərr, yalan dolu ittihamlarla məhkum edilmiş Axundzadə Rufulla Höccət oğlu tərəfindən AÇIQ MƏKTUB
Bağışlayan və rəhm edən Allahın adı ilə!
Əvvəlan Salam! Sizi görməmiş və xasiyyətinizə bələd olmamış hansı mahaldan olduğunuzu da bilmədiyim üçün və eləcə də rayonumuzda qonaq olduğunuzdan Sizə əvvəlcədən bir məsləhətmi deyim, xəbərdarlıqmı deyim, islamda deyildiyi kimi "əmr be məruf və nəhy əz münkər” etməyi özümə borc bildim.
SSRİ dönəmində rayona Rəhbərlik edənləri nəzərə almasaq müstəqillik əldə olunandan sonra Siz Astara Rayonunda Prezidentin 6-cı nümayəndəsisiniz. Yəni o nöqteyi nəzərincən Sizi qonağımız bilirəm. Və qeyd edim ki, Rayon icra aparatında dəyişməyən müavin və işçilərinizin tərcümei-halını yaxşı araşdırsanız və ya əməllərini yoxlatdırsanız, onların əksəriyyətinin beqələmun (yəni xomelyon, fəsil fəsil rəngin dəyişən sürünən) timsallı yaltaqlığı və məddahlığı əsas peşəsi bilib rayondakı narazılıqların əsas mənbəyi olduqlarını görəcəksiniz. Bir də yaltaq, üzdən iraq idarə Rəislərini, məktəb direktorlarını deyil, rayondakı narazı təbəqənin səmimi olanlarına diqqət edib onları dinləsəniz hər şeyi düzgün analiz etmək şansı əldə edərsiniz.
Qaldı həyat yoldaşım Axundzadə Tamara Talıb qızı ilə dioloqunuz, əvvəlan xanımım qəza nəticəsində əlillik qazandığından və 8 uşaq dünyaya gətirərək tərbiyəsi ilə məşğul olduğundan (hamısı nümunəvi və intellektlidirlər) hal-hazırda da 6-sı tələbə və məktəbli olduqlarından hər hansı müəssisə və təşkilatlarda işləmək (əgər varsa?....) iqtidarları olmadığından ünvanlı sosial yardıma iddialıdırlar. Əgər hardasa qeyri-qanunilik var və siz bilirsiniz verin yoxlamağa, ya veriləni də kəsdirin, ya da verilməyən hissəni ödətdirin. Necə ki, dioloqdan sonra kimlərinsə sözü ilə səlahiyyətlərinizi aşaraq qış ərəfəsində onlara verilən təbii qazı kəsdirmişdiniz. Lakin yaddan çıxarmayın ki, o ailə qürurlu-namuslu-qeyrətli kişinin və eləcə də Allahdan qorxan, başqa isə heç kəsdən, heç nədən çəkinməyən ədalətli ailənin namuslu, qorxmaz əyalı və üzvləridirlər. Odur ki, Allaha hesabat verən və Allah-təalanın göndərdiyi azuqə, səadət və ya əzab əziyyətlərindən xoşhal olub şükr və səbr edənlərlə ehtiyatlı davranışı və çaşmamağınızı tələb edirəm! Vəssəlam!
