Razi Nurullayev və Ehtiram Mehdiyev kimi satqınların sifarişi ilə “Cümhuriyyət” qəzetində haqqımda yazılan böhtan dolu cəfəngiyyat, 1 il bundan öncə Eynulla Fətullayevin  haqqımda yazdığı cəfəngiyyatla cümləbəcümlə, nöqtə-vergülünə qədər eynidir. Bu, bir daha onu göstərir ki, Razi ve onun bandası... pardon, -komandası məşhuri cahan Eynulla ilə birgə səngərdə "vuruşur". Yaxsi deyiblər: " Bu dünyada alçaq adamın buyruq qulu olmaqdan da alçaq iş yoxdur!" Sən demə, insan da taxta kimi, daş kimi, dəmir kimi yonula, sürtülə bilərmiş... öz ilkin formasını dəyişib əcaib-qəraib görkəm ala bilərmiş. Sən demə, adam məhz insan ola bilmədiyindən idbarlaşa, ləyaqətsizləşə bilərmiş...Və nəhayət, insan yaltaqlığ, hərislik, nəfsə görə könüllü şəkildə öz İNSANİYYƏTLİYİNİ itirə bilərmiş. Bu fikiri yazmağıma Razi Nurullayevin - Talış mənşəli bir tipin göz önündəcə eybəcərləşib deformasiyaya uğraması səbəb oldu. Eləcə də onun ətrafına yığışmış təkəm- seyrək bəzi gənclərin etik davranış normalarına sayğısızlıq və mərifətsizlikləri çox narahat elədi məni. Axı bu gənclər nədən anlamırlar ki, gələcək həyatları qarşıdadır, öz idealları və amalları uğrunda ləyaqətlə mübarızə aparmaq lazımdır, onlar dərk edə bilmirlərmi ki, xalqın, vətənin inkişafı üçün doğru və halal addımlar atmalıdırlar! Və bu, çox mühüm şərtdir! Axı onlar nə səbəbə görə məkirli oyunların peşkalarına çevirilirlər, niyə öz-özlərini, öz mənəvi dünyalarını hansısa cüzi dünya malına qurban verib, nəticədə, şikəst vətəndaşa çevrilirlər?..

Bu suallar təkcə mürəkkəb-müşkül suallar deyil,daha çox, ağrılı, ürək sıxan suallardı ki, bunların cavablarını ilk növbədə, Razi Nurullayev verməlidir. İstəsə də, istəməsə də, nə vaxtsa bu sualların cavabı veriləcək və bu cavablar heç şübhəsiz ki, yonulmuş-sürtülmüş ağır daş parçası kimi, rəndələnmiş taxta kimi, əridilmiş dəmir qırığı kimi, onun başında çatlayacaq! Bəzən satqınçılığı, riyakarlığı insanlar bağışlasa da, tarix bağışlamır, Allah-Təala bağışlamır! Bu aşkar həqiqəti niyə unudurlar?!.. Qəribədir, mövcud siyasi rejim üçün, hipotetik olaraq, az-çox təhlükə doğura bilən, öz məsləyi, amalı ilə yaşamağa qərar vermiş, ölkəsini azad, xoşbəxt görmək istəyən və bunun üçün demokratik dəyişiklər arzusunda olan hər kəsə və kəslərə qarşı çeşidli hücumlar təşkil olunur.. "Cumhuriyyət" qəzetində derc edilən " Eldəniz Quliyevin musavirindən separatizmə dəstək" yazisı, heç şübhəsiz ki, tam sifarişli, provakasion və düşük bir yazıdır. İlk növbədə, Azərbaycanda millətlər arasında rəxnə salmaq və süni problemlər yaratmaq məqsədilə yazılıb. Sözün əsl, eləcə də məcazi mənasında danos mahiyyətli bu “yazı”, başdan-ayağa qərəzlə doludur. Məqsədi də, fədakar talışların ruhuna, talış mental şüuruna və onların Azərbaycanda artıq qarşısıalınmaz gerçəkliyə çevrilmiş demokratik mübarizə prosesinə verdiyi dəstəyə zərbə vurmaqdır. Ancaq zənnimcə, buna təəccüblənmək, yaxud əsəbiləşmək-filan bihudə işdir, – satqının işi, vəzifəsi , “missiyası” elə satqınlıq etməkdir. Elə qələm sahibləri-müvafiq olaraq, siyasətçilər- var ki, onlar üçün SÖZ anlayışı çırtma təki, məna kəsb etməyən boş bir şəsdir. Ədəb - ərkandan uzaq, dünya malı xatirinə əqidəsinə xilaf çıxanlar, yağlı dillə danışıb dişlərinin arxasında ilan zəhəri gəzdirənlər və s. həmişə olub, yəqin ki, bundan sonra da olacaq. Yel qayadan heç nə aparmadığı kimi,bu sayaq "dəyyuslar" da bizim BİRLİYİMİZƏ xələl gətirə bilməzlər!

Azərbaycan bizim doğma vətənimizdir. Azərbaycan adlanan məmləkətin qəmi də, kədəri də,sevinci, qayğısı da bizimdir; burada yaşayan talışlar, yəni bizlər bu ölkənin, eləcə də ölkə vətəndaşlarının ayrılmaz hissəsiyik. Həm dövlətçilik, müstəqillik baxımından, həm də mənəvi-etik-ruhi dəyərlər baxımından - VAHİDİK. Başqa cür düşünüb bu birliyə nifaq toxumu səpmək istəyənlərin arzuları ürəklərində qalacaq.Necə ki, qalır da! Buna mənim qətiyyən şübhəm yoxdur! O ki qaldi məqalədə mənsub oldugum Talış xalqınınn adının çəkilməsinə, deyə bilərəm ki; Talış xalqının xoşbəxt yaşamağa haqqı var. O, buna layiqdir. Talış xalqı Azərbaycanda yaşayan digər etnosların, xalqların heç birindən əskik deyil və o xalqın nümayəndələri də Azərbaycanın bərabərhüquqlu vətəndaşlarıdır. Talış xalqı özünə qarşı hörmət tələb edir, çünki o, pislikdən uzaq, riyakarlıqdan kənar mental xüsusiyyətə malikdir. Bir çimdik hörmətin, yaxşılığın qarşısına bir ovuc ləyaqət, xətir- hörmət çıxarır. Qonaqpərvər, gördüyü işləri sidq-ürəklə edən LƏYAQƏTLİ xalqdır mənim doğma, əziz TALIŞ XALQIM! Bir həqiqəti hər birimiz bilməliyik: Vətən, Xalq müqəddəsdir və ona xor baxmaq ən böyük günahlardan biri hesab olunur. Və bu İlahi həqiqəti Razi və onun ətrafındakı naqislər nə qədər tez dərk etsələr, bir o qədər yaxşı olar!. Son olaraq bunu da deyim ki, assimliyasiyanın astar üzü olmur. Çünki onun heç əsl üzü də olmur... Assimliyasiyaya uğramış adam isə, elə üzsüz, yəni simasız bir məxluqdur ki, onun üçün vətən,torpaq, millət,dil, din və s. müqəddəs anlayışlar yerli-dibli mövcud olmur!..

Tanrı Azərbaycanımızı qorusun! Tanrı Talışı hifs etsin! Amin!
 
Seyran RƏFİYEV

TALISH.ORG