Bu gün, Azərbaycan klassik muğamat (maqomat) ifaçılığının istedadlı, ecazkar səsi ilə dinləyicini sehrə salan, peşəkar, parlaq və nadir simalarından biri olan, eləcə də yüksək şəxsiyyətə malik, təvazökar insan, fədakar müəllim Arif İsmayıloğlunun ad günüdür.

Arif İsmayıloğlu nəinki, təkcə məlahətli və yüksək səs tembrinə malik professional muğam ifaçısıdır, o həm də, maqlarsayağı muğamatın qatalarının, şöbə və bölmələrinin məna açarlarını, məqsəd-məramlarını, istiqamətlərini, incəliklərini, eləcə də mahiyyətini, mistik fəlsəfəsini dərindən bilən bir müsiqi sərrafı, bilicisi və maqikanıdır.

Toy məclislərində, el şənliklərində Arif İsmayıloğlunun ifasını dinləyərkən, onun etdiyi vertioz gəzişmə və daxildən gələn xırdalıqları insanı valeh edir.

Sənətinin vurğunu kimi, qürurlu şəxsiyyətə, zəngin mənəviyyata malik , xalq müsiqilərimizin dərin bilicisini və muğamat ustasını – Arif İsmayıloğlunu ad günü münasibəti ilə ürəkdən təbrik edirəm! Ona uzun ömür, can sağlığı, ailə səadəti və yeni-yeni sənət nailiyyətləri arzu edirəm!

Qoy, Azərbaycanımız özünün həqiqətən, fitri istedada, qeyri-adi ifaçılıq məharətinə, yüksək biliyə malik, lakin təəssüflər olsun ki, təvazökarlıqları və utancaqları, eləcə də cəmiyyətdə müqəddəs dəyərlərin, ədalətin və istedadın kölgəyə çəkilməsi ucbatından böyük səhnələrdə, televiziya ekranlarında az görünən Arif İsmayıloğlu timsalında daha professional, daha talantlı, daha səmimi el sənətkarlarını, muğam bayraqdarlarını daha çox, daha yaxşı tanısın!

Arif müəllim, yaşınızı ehtiva edən 43 rəqəmini isə, doğulduğunuz, suyunu içib, pərvəriş tapdığınız yerin-yurdun, dağların antropoloji və genetik kodu kimi dəyərləndirirəm!

Ad gününüz mübarəkdir, əziz və hörmətli Arif İsmayıloğlu!

Mehdibəy SƏFƏROV