Главная » 2012»Июнь»8 » Alman jurnalistin “Evrovision-2012″ xatirələri
23:05
Alman jurnalistin “Evrovision-2012″ xatirələri
"Evrovizion” onlara zülm edən bir rejimin „Böyük bayramıdır"
Demokratik dəyərlər uğdunda mübarizə aparan insanların həbsi və 20 mindən artıq evi sökülmüş vətəndasların acı aqibəti Bakida keçrilən "Evrovizion” mahnı müsabiqəsinin qaranlıq səhifələrində yaşayacaqdır.
Almaniyanın Bild informasiya agentliyinin Repartyoru David Baum zərərçəkmişlərdən bir neçəsi ilə bərabər "Evrovizion” mahnı müsabiqəsini seyr edir. Qeyd edək ki, onlardan bəziləri artıq həbsdədir.
Bu arada insan haqqları aktivistlərindən olan Leyla Yunus stəkanlarda çay paylayaraq sözə başlayır: -„Burda heç kim bu verlişlərə baxmaq istəmirdi, çünki onların artıq evləri yoxdur, harda baxacaqdılar"?
Leyla Yunusun evinə toplaşmış məyus insanları qarşılaşdığı eyni ploblem bir araya gətirmişdir. Hakim rejim onların evlərini əllərindən alaraq darmadağın etmişdir. "Evrovizion” mahnı müsabiqəsi ilə özünü dünyaya numayiş etdirməyə çalişan rejimin başı yarışmaya elə qarışıb ki, uçurduğu evlər barədə münasibət bildirməyə belə maraq qöstərmir. Söküntü ərazisində yaşayan insanların bəziləri söz verilən məbləğdən də aşağı pul alaraq evlərini məcburi tərk etmiş, digərləri isə təhlükəylə üz-üzə qalmışlar. Leyla Yunus da eyni acı taleyi dadanlardandır.
Leyla xanım ölkədən kənarda olanda ona aid mülkü buldozerlə yerlə yeksan edərək içindəki əşyalarını da daşıyıb aparmışlar. Leyla Yunus bu hadisədən sonra babasından qalan evə daşınmış və bizdə indi həmən evə toplaşaraq "Evrovizion” mahnı müsabiqəsini birlikdə izləyirik.
Şirinbacı Rzayeva da burdadır. Onun bir oğlunu həbsə atmışlar. Uçurulan evi üçün verilən məbləğ yalnız ev əşyalarının dasınmasına yetərdi. Digər musiqiçi ve bəstəkar oğlu Əlirza Muxtar isə hər hansı bir yardımdan məhrum edilmişdir. Söküntü işlərini aparanlar heç bir xəbərdarlıq etmədən gələrək insanların evlərini başlarına uçurublar. Əlirzanın xanımı bu görüntülərdən dəhşətə gələrək şokdan körpəsini düşürüb. Qey edim ki, Əlirza Muxtarın tələbəsi olmuş musiqi şagirdi İslam Şıxəli „Demokratiya üçün oxu" gənclik hərəkatına goşulub.
Bizimlə bərabər daha bir qadın da var. Onun ofisi və dərzi sexi dağıdılan tikililər arasındadır. Larisa Məmmədlinin üç övladının, nəvələrinin və digər qohumlarının da evləri artıq yoxdur. Biçarələr yaşayış geydiyyatları olmadığından indi uşaq pullarını da ala bilmirlər.
Digər bir zərərçəkmiş keçmiş hərbçi Pərviz Əmrəliyevdur, o, hazırda şəxsi avtomobilində yaşamağa məcbur edilib. Hətta burda belə rejim güdükçüləri tərəfindən təzyiqlərə məruz qalır. Bu insanlar hətta "Evrovizionu” televiziyadan belə səbrlə izləyə bilmirlər. Baxdıqca rejimə qarşı nifrətləri və ruh düşkünlükləri daha da yüksəlir. Çünki "Evrovizion” onlara zülm edən bir rejimin „böyük bayramıdır" (Fərqləndirmə bizə aiddir-red). Bəstəkar Əlirza deyir:- Mən bu musiqiçiləri anlaya bilmirəm. Mən də onların həmkarlarından biriyəm. Həmkarlarımın başına müsibətlərin gətirildiyi bir zamanda mən heç vaxt səhnədə çıxış edə bilməzdim. Bu ölkədə baş verənlərə İsveç və Monteneqro təmsilçilərindən başqa münasibət bildirən olmadı”. Zərərçəkmişlər sakit və məyus halda monitordan musiqi şousunu izləməyə davam edirlər.
"Roman Lorin timsalında siz də düsünürsüz ki, dünya ictimaiyyətinin diqqətləri sizə yönələcək? sualina 58 yaşlı Şirinbacı Rzayeva "yox” deyərək cavab verir. "Əvvəllər biz bu kimi haqsızlıqlardan və cinayətlərdən Moskvaya sığınardıq”.
Leyla Yunus Şirinbacının bu fikirlərinə razılıgını bildirərək əlavə edir:- "Hərdən bizdə belə bir fikirlər oyanır ki, Avropa siyasətçiləri bizə qarşı laqeyddirlər. Çünki onların bir çoxu pula satılmışlar. Hətta Bakı şəhərinin meri bizim Avropa İnsan Haqları Məhkəməsinə göndərdiyimiz məktublara münasibət bildirərək qeyd edir ki, onlar ( Avropa təşkilatları- tərc.) onsuz da bizimlə məmnuniyyətlə əməkdaşlıq edirlər. Çünki onlar pula satılmışlar.”
Şou davam edir. Və mahnılar arası Azərbaycanın ənənələri, təbiəti və mədəniyyəti nümayiş etdirilir. Şirinbacı Rzayeva bunları məyus halda seyr edərək deyir: -"Biz vətənimizi sevirik. Və çox istəyirik ki, bu kimi Beynəlxalq tədbirlər burda tez tez keçirilsin. Amma necə? Bu müsibətlərlə bir yerdə bu şoular necə bir araya sığa bilər?…”
Bura toplaşanlar mahnı şousunu artıq kifayət qədər seyr edirlər. Problem içinde yaşayan bu insanlar dərdləriylə üz üzə buraxılmışlar. Ertəsi gün onlardan ikisi etiraz nümayişlərində həbs ediləcəkdi. Və dolayısıyla, həbs edilənlər mahnı Şousunun finalına nə yazıq ki, baxa bilməyəcəklər. Çünki onlar arzu etmədikləri tavanın altında yaşamağa məcbur edilmişlər.
