Главная » 2010 » Ноябрь » 27 » Allahverdi Bayrami. Syo sıpən pisə sıpə bobi bəbe

---

20:33 Allahverdi Bayrami. Syo sıpən pisə sıpə bobi bəbe

Da soron harde - həşi divon nıbe, Deşmeni vəy qətero divoən nıbe. De parcini ov kırnə Divən nıbe! Nıznəşe vəxti bome – qəv vi bəbe ? Syo sıpən pisə sıpə bobi bəbe!                                                                                      Rışvəti po qətəşe yurdi sədə, Hərbiədə, səhiyyədə, polisədə!.. Nənə bə maç dədəku rışvə sedə! Nobələd həşipemə babi bəbe, Syo sıpən pisə sıpə bobi bəbe! Ko ni bo dərəmudi hiədə, kədə. Pi- cıvon sə peqətdə yurdo şedə. Sıl-şıkəst mandə kədə - vəşnə jedə! Çanədə bəndə qınobəqi bəbe? Syo sıpən pisə sıpə bobi bəbe! Ruşnə-ğaz ni, mandəni do vişədə, Ni həni nur çəşədə, zu kəşədə! Hiç kəsi quş ni, millət çiç kəşedə?! Zındənin ruji zəmin bə bi bəbe? Syo sıpən pisə sıpə bobi bəbe! Xəlği dardi votəkəsi penoedən, Du votedən, milləti hıtvonedən, Cəmati çəş vində bə dast dənoedən! Sıpə ğıryət nıbo, çəy soybi bəbe? Syo sıpən pisə sıpə bobi bəbe! Televindon, qəzeton dastkə jedən, Votəkəs ni, odəmon çokne jiedən? Alaf hardən, sə ojin, ja ki jiədən? Aşişə hə bənə çəy asbi bəbe, Syo sıpən pisə sıpə bobi bəbe! Zyod bedə şeyton çanə sığ ğandəmon, Heyve bedə, çanə bəy ğəb kandəmon. Har butə, har kuçəsə əy vindəmon, İqlə məhşərdə bəyo tanbi bəbe! Syo sıpən pisə sıpə bobi bəbe!

1 2 3 4 5 Категория: Talış dili və ədəbiyyatı | Просмотров: 1676 | Добавил: admin | Рейтинг: 0.0/0

Всего комментариев: 0