 Masallı rayon sakini, Azərbaycan vətəndaşı, dünyaya gətirdiyi "üçəm” körpəsini böyütmək üçün yaşam imkansızlığı barədə şikayət etmədiyi ünvn qalmadığından, üzünü o tək olan, qudrətli ALLAHA tutdu
Vallah, adını dilimə gətirmək istəmirəm. Ona görə yox ki, qorxuram. Əsla! Mənim tək Allahın qəzəbindən başqa, heç bir qüvvədən qorxum yoxdur. Bu o demək deyil ki, fiziki cəhətdən çox güclüyəm. Yox!
Sadəcə Allahım məni sevdiyi üçün, onun qəzəbindən qorxuram. Azərbaycanda baş alıb gedən haqsızlıqlar, məmur özbaşınalığı, rüşvətxorluq, korrupsiya, hakimiyyətin kriminallaşması, əhalinin kasıb təbəqəsini insan yerinə qoyulmamasına diqqət edəndə, müqəddəs Qurani-Kərimdə Allahın buyurduğu "Zəlzələ” surəsinin qorxusu hər an məni narahat edir. İnanıram ki, bu haqsızlıqların yükünü torpaq götürə bilmədiyindən, Allahdan mütləq bəla gələcəyinə heç şübhəm yoxdur.
Demək istəyirəm ki, Yaptokratların ulu öndəri hakimiyyətə gələndən sonra, Qarabağda döyüş təcrübəsi olan qırx iki hərbi taburu, müharibə iştirakçıları üçün nəzərdə tutulan imtiyazları, böyük ailə başçılarının dünyaya gətirdikləri körpələrə nəzərdə tutulan uşaq pullarını özünün xəyanətkar fərmanı ilə ləğv etdi.
Dünyanın mötəbər təşkilatlarının gözünə kül üfürmək məqsədi ilə əsasən məmurların yemləndiyi "sosial yardım” deyilən rüşvət dağarcığının ağzını azacıq açdı. Əlbəttə ki, bu sosial yardım hansı formada, kimlərə şamil edilməsi də heç kimə sirr deyil. Hesab etməyin ki, yazının linqini unudub, ümumi problemləri önə çəkirəm. Bütün bunları deməkdə məqsədim budur ki, diqqətinizə çatdırmaq istədiyim üçəm körpələrin dövlət imtiyazlarından məhrum olmalarının köklü səbəblərini biləsiniz.
Hər kəsin nəyəsə marağı olduğu kimi mənim də əsas maraq dairəm insanlarla təmasda olmaq, əhalinin kasıb təbəqəsinin dərdiilə yaxından tanış olub, bacardıqca onların hüquqlarını müdafiə etməklə KİV-ə çatdırmaqdır. Həmişəki kimi 07.04.2012-ci il tarixdə də Masallı rayonunun "bağ çayxanasına” daxil oldum. Hər gün rasrlaşdığım tibb işçisi  Əliyev Səlahəddin Daşdəmir oğlunun mövcud hakimiyyətdən gileyli söhbətini eşidib, ona yaxınlaşdım. Mənə macal vermədən dərdini danışmağa başladı. Bu an tez diktafonumu onun razılığı ilə açıb, şəkilini də çəkdim. Həmsöhbətim bildirdi ki, qızını ərə verib, bir oğlu dünyaya gələndən bir il sonra qızı hamilə olur. Keçən il qızı üçəm dünyaya gətirib. Yaşadıqları Binəqədi rayon xəstəxanasında onlardan doğuş vaxtı nə qədər rüşvət almaları bir yana, ananın dünyaya gətirdiyi gələcəyin iki əsgəri olan oğlan və bir qıza görə həkimlərin onu təhqir etmələrini ürək ağrısıyla dilə gətirdi. Səlahəddinin dediyinə görə, ana "mən bu dörd uşağı necə saxlayaram, ərim fəhlə işləyir, qazancı heç yeməyimizə çatmır, ev kirayəsini ata-anam göndərir" - deyərək hönkür-hönkür ağlayir. Bu an həkim deyir ki, niyə doğdun, bir uşağın var idi bəsin deyildimi, vaxtında " obort” edəydin... Bu barədə uzu-uzadı danışıb, heç kimi yormaq fikrim yoxdur.
Konkret olaraq bunu nəzərinizə çatdırmaq istəyirəm ki, dörd nəvəsi olan Səlahəddin baba, üçəm nəvələrinin dövlət tərəfindən maddi yardım alması barədə mənə bir qovluq şikayət məktubu göstərdi. Ölkədə yazmadığı ünvan qalmayıb. Heç bir səlahiyyətli orqanlardan müsbət cavab almamışdır. Dünyaya gələn gələcək Azərbaycan əsgərləri nəinki doyunca qidalana bilmirlər, geyinməyə də paltar tapa bilmirlər.
Burda deyirəm ki, şükürlər olsun Allahın məsləhətinə! Elə insanlar var ki, ətək-ətək pul qoyurlar, dünyanı gəzirlər ki, Allah onlara bir uşaq versin. Görün dünyanın mizan-tərəzisi necə pozulub? Məncə burda da bir ilahi qüdrət vardır.
Bəzi ağzıgöyçək vətənşüvənlərimiz qonşu Rusiyanı bəyənmirlər. Bu ilin əvvəlində getdim RF-nın Tümen şəhərinə. Azərbaycandan bir tikə çörək dalınca tərkivətən olan soydaşlarımızın yaşam tərzi ilə bir qədər yaxından tanış oldum. Məlum oldu ki, Azərbaycandan fərqli olaraq, orda Rusiya Vətəndaşlığını qəbul edənlər dünyaya iki uşaq gətirdikdə, hökumət onlara yüksək məbləğdə müavinət verməklə, ailəni evlə də təmin edir. İpateka ilə ev alanlar isə üç uşaq dünyaya gətirdikdə, evin dəyərinin yarıdan çox məbləğini güzəşt edir. Müstəsna hallarda Üçəm dogulan körpələrə görə üç otaqlı mənzil hədiyyə edilməklə uşaqlara pul və digər imtiyazlar ödənilir.
Avropa ölkələrində yaşayan soydaşlarımızdan da bu barədə soruşduqda, Azərbaycanda olan ədirəbadi yanaşma kimi deyil, Rusiyada olan vəziyyətdən də üstün olmağı mənə bildirdilər. Məndə belə təsurat yarandı ki, bütün dünya dövlətləri öz vətəndaşlarını sevməklə, onlara hər cür şərait də yaradır. Azərbaycan hakimimiyyəti isə sanki, öz vətəndaşlarına müharibə elan edib (bu mənim şəxsi fikirimdir).
Həmsöhbətim maddi durumundan danışdıqca, göz yaşları ilə bildirdi ki, son fikrlərimi "Allaha şikayət ərizəmdə” yazacağam.
Mətləb Dadaşov,
AJB-nin üzvü,
Masallı-Bakı
|
