Главная » 2011»Январь»20 » AİP sədri cinayətkar birlik, partlayıcı maddələr və qurğular əldə etmə və hakimiyyəti zorla ələ keçirmədə ittiham edilir
23:40
AİP sədri cinayətkar birlik, partlayıcı maddələr və qurğular əldə etmə və hakimiyyəti zorla ələ keçirmədə ittiham edilir
Azərbaycan İslam Partiyasının sədri Mövsüm Səmədovun 13 sutka həbs müddəti bitdikdən sonra, onu Baş Mütəşəkkil Cinayətkarlıqla Mübarizə İdarəsinin müvəqqəti saxlanma təcridxanasından Nəsimi rayon məhkəməsinə aparıblar.
20 yanvar tarixində Nəsimi rayon məhkəməsində Elman Əhmədovun sədrliyi ilə keçən prosesdə, Azərbaycan İslam Partiyasının sədri Mövsüm Səmədov barədə 3 aylıq həbs qəti-imkan tədbiri seçilib. AİP sədrinin vəkili Anar Qasımovun saytımıza verdiyi məlumata görə, məhkəmə prosesi qapalı şəraitdə keçib.
"Bir neçə dəqiqə əvvəl bitən məhkəmədə, Mövsüm Səmədov 28, 214.2.1-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən cinayətə hazırlıq), 228.3-cü (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə), 278-ci (hakimiyyəti zorla ələ keçirmə və ya onu zorla saxlama) maddələr üzrə ittiham olunaraq, barəsində 3 aylıq həbs qəti-imkan tədbiri seçildi. "-deyə vəkil Anar Qasımov əlavə edib.
