Azərbaycan Respublikasında bu günü hətta sözdə xatirlamaq belə səlahiyyət sahiblərini düşündürmür 9 avqustda bütün Yer planetində beynəlxalq bayram - dünyanın yerli xalqları günü kimi qeyd edilir. Bu mühüm tarix 1994-cü ildə BMT Baş Məclisinin təşəbbüsü ilə müəyyən edilmişdir.
Planetin yerli xalqlarına hörmət və diqqət məsələsi hələ 1992-ci ildə BMT Baş Məclisinin gündəliyinə daxil edilmişdir. Lakin insan hüquqlarına hörmət və onun müdafiəsinə həsr edilmiş bayram gününün müəyyən edilməsi haqqında son qərar iki il sonra qəbul edilmişdir. Məqsəd yerli xalqlara qarşı ayrı-seçkiliyə, hədsiz yoxsulluğa, onların ənənəvi torpaqlarının zorla əllərindən alınmasına və üzləşdikləri digər insan hüquqlarının müdafiəsi və bütün bunlara son qoyulmasında BMT-nin mühüm rolunu təsdiq etmək, həmçinin yerli xalqların nümayəndələrinin təhsil, mədəniyyət, səhiyyə, insan hüquqları və digər bu kimi sahələrdə üzləşdikləri problemləri aradan qaldırmaq üçün beynəlxalq əməkdaşlığı gücləndirməkdir.
Dünyanın demək olar ki, bütün ölkələrində bu bayram qeyd edilir. Bununla dünya dövlətləri özlərinin yerli xalqlarına hörmət və diqqətini ifadə edərək, yerli xalqların mədəniyyətlərinin inkişafında maraqlı olduqlarını nümayiş etdirirlər.
Bu gün yerli xalqların maddi vəziyyətinin yaxşılaşdırılması, onların mədəni irsinin qorunub saxlanılması və inkişafı naminə müxtəlif xeyriyyə tədbirləri keçirilir və yerli xalqların problemlərinin həllinə dəstək verilir.
Təəssüf ki, Azərbaycan Respublikasında bu günü hətta sözdə xatirlamaq səlahiyyət sahiblərini düşündürmür. Maraq naminə bu ifadəni: Beynəlxalq Yerli Xalqlar günü Azərbaycan dilində internet resurslarında axtarsanız sözü gedən mənzərə aydın şəkildə göz önündə canlanacaq. Bəlkə də bu, Beynəlxalq Yerli Xalqlar gününün azərbaycansayağı qetdetmənin nümünəsidir. Bütün sahələr üzrə "analoqsuz inkişaf" göstəricilərini vuran Azərbaycan görünür bu sahədə də məhz bu yolla analoqsuzluğunu qorumaq iddiasındadır...
