Əv ısət koncoye, az zındənim!
Əv ısət de çı koy məşğule, zındənim!
İntasi, az i qılə əy çok zındəm ki, Əv konco bıbu, de çı koy məşğul bıbu, vəy çı Tolışi ruh heste, vəy çı Tolışi dastı-xət heste!
Əv, 17 sini dılədə beədə, iminə kərə dəy vindemonım bə! Əv ısət ıştə umri cıvonəti zəmoni jidə! Qıləy zəmoni ki, bı devrədə çəy həmyaşon veni dınqılmonə ğandən, ğərəz ıştə şəxsi hissiyati, korporativ edoci, hiç şey fiki kardənin!
Əv ısə, boy, bənə bəvon umur dəvondəni, bənə bəvon jidəni!
Əv, de məsuliyyəti jiyedə! Əv, ıştəni ıştə şəxsi jiyemoni, ıştə pı-moə, ən əsasi, ıştə mənsub bə Tolışi xalqi vədə məsuliyyətin, ğarzxo zındə!
Bı 28 sinədə, kam-ve bəştə şəxsiyyəti, maddi-mental irsi, milli-mənəvi hestemoni hurmət kardə ha tolış Əy çok zınedə!
Dəy unsiyyətədə bə ha kəs, bəçəy sə tərbiyyə, əxlaği, mənəviyyati, ədəb-ərkani heyron bedə! Dəy dialoqədə bə ha kəs, əçəy hım-cımədə bə səmimiyyətiku, lıvemonədə bə etik-estetik dəyəronku ləzzət səydə!
Əv ve istedadinə şəxsiyyəte! Isət, de qədə hırdənonən, çəy bə ğələm sə mukəmmələ poeziya, bədii numunon, ifa kardə xosə mahneon əzbər zındən!
Əçəy, bı 28 sinədə bəştə xalqi - bə Tolışi zıvoni, ədəbiyyati, mədəniyyəti kardə xidməti, doə xəyri mislı-bərobəbış ni!
Isət, ıştə kədə xəyə ko dəvonə, bəştə milli-mənəvi hestemoni hurmət kardə ha tolış bəçəy ofayəmoni, bəçəy talanti, bəçəy şəxsiyyəti ovardedə, etibor kardedə!
Əçəy şəxsiyyəti həxədə, bəştə xalqi kardə xidməti həxədə çənə çokə sıxanon bınvıştomən, əvon onibərəxen!
Sıxanım ve dıroz karde pidəni!
Mılxəs, ımruj əçəy movardə ruje!
Əv RİZVAN ŞIXİZODƏYE!
Mı, iminə nubədə, əçəy bə dınyo vardə pı-moə təbrik kardedəm!
Dıminə nubədə, bəçəy mənsub bə Tolışi xalqi çaşə-ruşnə doydəm!
Votdəm; çı xose ki, Xıdovandə - Aləmi bə çımı xalqi bənə Tı, ğıryətinə, ləyoğətinə, istedadinə fərzəndış doə!
Pərvərdiqorəku, botı xəşəcon, dırozə umur, xeyzonə səadət, ofəyayamonədə yolə nailiyyəton orzu kardəm!
Movardə rujı xose, mubarəke, bilə - RİZVAN ŞIXİZODƏ !
Fata-Barakatullahi - Əhsənül - Xaliqin!
Mehdibəy SƏFƏROV
Azəri – Talış İctimai İbemoni sədr
