"Tolışi Sədo” qəzeti dıştə tojə - 4-minə nomrə, deştə tojə risalon, de tojə xəbon əməni xəyli şo kardışe.
Qəzetədə çı rəhmətığə Nəvuzəli Məmmədovi zindonədə nıvıştəbə kitobi tojə hissə, çı Huseyn Əhmədi Məskovədə dərc bıə kitobi dəvom, çı Əli Nasiri Babəki həxədə poemə dumo, bə Xanəli muəllimi 70 sorinə yubileyi həsr bıə oçerk, tolışi folklori numonon iən co materialion dərc bıə. Qəzeti giləy tojə xəbəən, çey tojə məsul katib – Rafiq Cəlilovi bə məydon beşeye.
Jurnalist Rafiq Cəlilovi ve nıvıştəyon çı Ozorboycini curəbəcurə qəzetonədə dərc bıə. "Toloşi Sədo” ım nomrədə əv dıştə - "Talış Dili və Mədəniyyəti (Biz niyə Talış dilini təbliğ edib və öyrənilməsini vacib sayırıq?!)” nivıştətondə ve aktual problemon ba maydon bekardəşe. Bə qəzeti redaksiyə kollektivi, çey baş redaktor Hilal Məmmədovi, məsul katib Rafiq Cəlilovi iən bə co kəson ogoron orzu kardəmon.
