Maştə, çı Tolışi xalqi istedadinə şair Şahmirzə Tolışəxuni bə Xıdo rəhmət şe 1 sor təmom bedə!
Əv 1 sore ki, bəştə həxi dınyo umjən bə! 

Duz, 1 sore ki, əmə bə Şahmirzə kardə xosə zərfətiyon həsrət mandəmon! 

Im sor həmən, çı Tolışi xalqi zıvoni, ədəbiyyati, mədəniyyəti, folklori, adət-ənənon, sənətkoə nımunon yolə tədqiqbıkə, əvoni əyoni surətədə bə xalqi rosnəkəs, bə ve unikal, incə yumori malik, çokə dust, yolə şəxsioyyət Şahmirzə Tolışəxuni 60 sinə yubileyə sore! 

Mı, Şahmirzə Tolışəxuni rufi çəy həmə duston nomo, çı Tolışi xalqi ədəbiyyati, folklori piyəkəson nomo, de 60 sornə yubiley munasibəti təbrik kardəm! 

Şahmirzə Tolışəxun əməni - ıştə azizon, ıştə duston cismən tərk bıkəən, əmə çəy muqəddəsə xatirə hiç vaxti çı yodo benibəkamon!
Xıdo tıni rəhmət bıkə, ey çımı xalqi, çı Tolışi gidi zoə! 

Xıdo bə çımı hovə, ıştə peoziyada bayro məxsusi vırəj co kardə, bə Şahmirzə boli həmro Tamara xanımi, bəçəy kinon, əçəy roy dəvom kardə zoəş, bə şair Elvarisi səbr bıdə! 

Bıdə ıştı ruf daima şo bıbu, Şahmirzə Tolışəxun!!! 

Mehdibəy SƏFƏROV