36 əmijı mubarəke!
Imruj, çı Tolışi qıləvıjnə zoə, tijə zəndin, hınəmand, ədolətin, səvodin..., mılxəs çımı xalqi ləyoğətin, ğıryətmand, mərd, xəymandə ruşinfik Rabil Abdinovi movardə ruje!
Tolışı vədə bənə əbədi vəşə ço ruşnə doə, ın mubariz ruşinfiki 36 əmijış təmom bedə!
Az, iminə nubədə bə Rabil muəllimi pı-moə çaşə ruçni doydəm! Həlol bıbu, Şımə bə Rabili doə ji! Moəku diyə şıtış həlol bıbu çəy!
Az, bə Rabil muəllimi nəsli, bəçəy divojon çaşə ruşni doydəm!
Az, bə Rabil muəllimi fərzəndon, bəçəy dərsış doə şagirdon çaşə ruşni doydəm!
Az, bə Tolış xalqi çaşə ruşni doydəm!
Be mubaliğə bənem vote; Rabil Abdinov çı Tolışi xalqi lesı, be təmənno cəfo əkəş, çəy roədə mutəmadi ve yolə zəhmətkəş navəşəne!
Tolışi xalqi zıvoni, mədəniyyəti, milli-mədəni, mental irsi nığo doyro, rostbero çı Rabil Abdinovi doə təklifon, fikon sofin, pokin, bə ağli nıştəninin!
Rabil muəllim ıştə xalqi nuperəson, cıvonon hiç vaxti bə populistə, utopikə, oxij siyo-zılmət bə ron dəvət kardəni! Əçəy təklif kardə ron perspekivinin, proqmatikin, oxiyədə çokə nəticə doə ruşinə ronin!
Az, Rabil muəllimi de movardə ruji munasibəti dıli-sıxto təbrik kardəm! Bəy xəçəcon, dırozə umur, xeyzonə baxtəvərəti, həm şəxsi konədə, həmən ıştə xalqi ictimai konədə ve yolə nailiyyəton orzu kardəm.
Movardə rujın xose, mubarəke, Rabil boli!
Mehdibəy SƏFƏROV
