Həkimov Pərviz Rəfaili zoə Moəo bıə 26 noyabr 1983-nə sorədə Ostoro rayoni Burzuband diədə . 2000-nə sorədə oroxniyəşe Burzuband di yonzəsorə məktəb. 2013- nə sorədə Boku İslom Universitetiədə bəsə jəşe ıştə ali təhsil. Ərəbi, farsi, tolışi, tırki zıvonon zınedə. Lirikə, satirikə şaire, ənıvışt, tərcuməvon, publisiste. Çəy tolışiədə şeeron, hekoyon hestışe."Şıştə mıni çımı dardon" nomədə tolışiədə şeerə kitob, tırkiədə "Ümid kölgəsində", "Günahımın rəngi", "Həyat fəlsəfəsi", "Fikirlərin məhbəsində", "Həyata uzanan yol hardan gəlir" kitobon hestışe. Im kitobon hiç qılə bə maddiə imkoniro çap bıənin.Əncəx “Astara”, “Tolışon sədo”, “İrfan” i.c. qəzet- jurnalonədə, interneti saytonədə, səhifonədə çap bıə çəy əsəron. Xeyzonxıvande. Xıdo xandi bıdə bəy, bəçəy xeyzoni, bıjion de xəşəconi!
ZƏMONƏ PƏRVİZİM AZ
Vәtәni bandi bәşim,
Ahurәmәzda kәşim,
Әbәdiyyәti Hәşim,
Harco bәşmә nezim az
Hәm zillәt , hәm şәrәfim,
Hәm otәşim, hәm ovim,
Hәm rujim, hәmәn şәvim,
Gәlizә rımuzim az
Ha bIqәt cImI lınqo,
Dәvardәm dәnqıfәnqo.
Şedәm bә Hәxi vәnqo,
Hәxi, rostii rizim az
Omedәm zirehbәtan,
Şәyton vindә bәdә han.
Nә Sabirim, nә Punhan,
Zәmonә Pәrvizim az.
ZIVON MARDƏ
Dә İblisi ğәmә, şımşi, yolә xәlği zıvon mardә,
Zıvon mardә, zıvon mardә, cәşә arson rәvon kardә!
Mınәn sardim bә vәhdәti, tınәn sardiş, әvәn sarde,
Yolon yol nin, mәvot harci әğıl kardә, cıvon kardә!
Lәvo kırte, bovә qarde, hәvo sarde, dәvo-marde?
Xıdavandi-xalığ coknә dә ım xәlği divon kardә!
Gәlәm,dәftәr bizor mandin cı dardonko, mәvot, Pәrviz,
TolIş ıştә bobo bәştә luzi hıkmi ğıbon kardә!
Allahverdi BAYRAMİ
