Zə çan vaxte dıştə Qulnənənə qəp jəydənim. Hələ i kərə qırdə bıkəm.
- Əlo... Əlo.
Ne Qulnənə məvuji telfuniku diyəroye. Tırovkə peğətdəni (qasbu piyəjenən həni dımı qəp jəyku erədd jəydə. Ne ye zə, səj ğale ya de sındoxi, yaən Şayo honiku ov varderoy şə) hələ dıborə zanq bıkəm... Duud. Duud.
- Əlo.
- Bəle. Viy nənə, çiki sədom məstə, çımı baləyki, hay Mirfəyaz. Bıbaxş, balə, ladinə zanqi cəvob doy nıznəme, ım tumbıryon şanqo çımıku sındoxi dil dızdə, sındoxjon okardə, ələk vələk kardə, bə kədəbim sındoxinə məşğulbim.
- Səlaməleykum, Şinə Qulnənə, çokoj? Çiçi heste, çiç ni? Çokoj conə? Bəçımı dıli oməy, sındoxij məşğulij, əğlon kıvin bəs?
- Əleykuməsəlom, xosə balə, tərime, piyəjenə nənə çoko bəbe?! Bərk voşi ekardə, əğlon poə mol-mələ dumo şə, poən kə-banon, kijə mijonnə alləyək jəydən, merıson lon dəşdənin.
Imon hiç. Tı çokoje? Ti?
- Şuk bə Xıdo, babətim, həvo çan ruj be qordın-qordınədəbe maştəvonəku iyoən voşi ekarde, çiç ekarde, jıqo çı otvə lulə emedə.
- Balə ıştə yapu ğoym takə, kılo səkə, xote-xote ıştəku moğət bıbi, bəmı bımando bebəşeş bomej bə di.
- Hay Conə, az omeym pidə, əmo qıləy xəyə xəbə doyro bomem, obəqardem, bıdə Məhərrəmə manq dəvardo.
- Tı şoyə xəbədobuj, baləma, vəyə pılo bəştə nənə bədoj?! Çəmə çan vaxte dıtı dave-şave əve ki, kəxıvand bıbi, rə kəxıvand əbıiən rə co əbi, xəyr bəba.
- Hi, şinə nənə, İnşalla. Diədə çiçe rıviyedə? Çı xəbə-ətə heste?
- Hiçi tojə xəbə ni, qləy xəbə ıme, votdən çə Bəfa nəvə Azərjon qətə, ım səhe?
-Ha, Qulnənə, hilejon doabe eqətjone, təğatjon səy vadojone.
- Şık bə Xıdo. Vadoajone, kəy iqləliye, bəbole. Tınən bə çəp-çusə kon məşi, əve zinə i kəsi de dastə telfuni bə kəj zanq kardə be, tınibe parsedə. Hırdənon çəy dastə telfuni numrəj peğətə, çəy nommon xəbəmon səy, voteje Azəre, ım Azəron ıştı coniku çiçjone pidə, hay Mirə zoə?!
- Vay-vay qasti nənə masəluj Azərbu, əv çımı duste.
- Ay bıjyoj, bəpe voteje masəlujım.
- Ha nənə. çəyku norohət məbi, əv sıftə dəmənə ico ko kardəbe, ısət əvən əmənıj oğətə, vitə şə bə di, ıştə numrəən dəqişıj kardə.
- Balə, əqər ıştə numrəj dəqişıj kabusə, tı bəçəy çiçi qərəkij, tınij bo çiçibu?
-Nənə, tı jıqo bərməlo mandedəbujsə, bəvədə ləzi səbrkə, şımə peğətə numrə zanq kardəm, tınən bıməs.
Duuud, duud...
- Alo, Zə, Xəlilli Azər tınıj?
- Ha, Miri azim, çiçe? Çokoj?
- Iştı xəbə səyku çokim, yolə merd bıəj ıştə numrə-mumronən tojə kardə ha.
- hi hi hi hi hi. Ha boli, iqlə numrə ne ve çionme tojə ka, ıştə jimoniən nu karde fikədəm.
- Ha Xıdo bətı xəy bıdə, bəs bəçəmə kə boçibe zanq kardə, çımı piəjenə nənə dılı toknə,
- Zə, həğətən çımı telfunjon dızdijone, numronən şen, bəşmə kəm zanq karde, dıtı qəp bıjənom. Məsəme Azərjon eğətə, fikim karde Azərjon qətəbu tınən vitəj şəj bə di. Ə çımı tikə əmlak bəşe jiədə tımoni.
- Zə, az hiç coy vitə zoə nim, ənə iyom - Bokuədəm. Azərjonən vadoə, mətars. Bəs əmlak çı əmlake?
- Əv bəmi çordə mənot (14) ğarzxoye, əy bıstənom, çəğın cəhəndımədən əy bığəton ya nığəton. Bomi mərəğin ni!
- Hiç əkəni, ıştı ə "əmlaki" əçəy coədə az bədom. Sağ bi.
- Ha Qulnənə ımən jıqo, tı rostij bən votedə, azən hiç zındənim çi, a Zəhəron dasto çone bışom...
