 Otəş! Otəş çiçe bo Tolışi? Boçi Tolış bə Otəşi ğəssəm hardə?
Bəçəy qorış ki, otəş çı Tolışi jiemoni simvole! Əqəm çı Tolışi kiə vəşdəbu, bəvədə əv heste, əv jidə, əv mardə ni! Çan həzo sore tolışon bə iyəndı mande-jiye əmin be qorış ha sori oxonə çoşanbə ruji bevaxti ıştə kan vədə haft kuə ço voşındən! Kon kəy vədə ço vəşdəbu, ım bə hamsiyə tolışon işarəye ki, ın xeyzon mardə ni, əv səloməte, əv jidə! Ha kəy vəşə ço otəşi səpe kəy xeyzon bə tolışi şin-şini: - "Kuli-kuli çoşanbə, dardı-dojım tınədə, sə dojım tınədə, dılə dojım tınədə, astə dojım tınədə…” nəğmə hande-hande, qıləbəqılə vaştedən ki, bə və omə sor xəşəcon beşon!
Həzo soron jıqo jiəmon, həzo soron kionmon hejo vəşən, həzo soron Tolışi ço okışə ni… Həzo soron jıqo baxtəvər jiən tolışon!
Isə boy, həzo soron ın oxonnə soron çaşmon vinde-vinde ıştə vəşə otəşi bə deəvul doə pasnəsut peqordınero bə əlləyəke, ğəromotə Tolış! Həzo sori inə zıvonədə boştə xəşəconiəti xotı handə otəşə nəğmon yodo bekardə Tolış! Çiç be bətı, SIPRİŞƏ MERD? Boçi IŞTI nəfəs bıredə, çımı ŞİNƏ XALQ, çımı jiemoni MƏNA, çımı DILƏDOJ, çımı MO, çımı PƏ, çımı SƏ NƏFƏS! ÇİÇE, qone BOTI, OQINƏŞ, BEHOL BƏŞ? ÇİÇE, fərzəndonı nunku beşən, çəy FİKİŞ KƏŞDƏ? FİK MƏKƏŞ, ÇƏMƏ SAN TOCİDOR! Conımon BƏŞTI ĞIBON, AY DILƏSUT, AY SOYƏ MERD, AY POKƏ PƏ! FIK MƏKƏ!
BIBAXŞ, ƏMƏNİ - IŞTƏ BEMƏXƏ FƏRZƏNDON, DƏDƏ MƏZDƏ! Ve vaxt BƏŞTI NOMİ LOYİQ be zındənomon, DƏDƏ ATROPƏ! Çəmə OZODƏTİ ROƏDƏ IŞTI BIRİYƏ KƏŞON ƏMƏNİ BIBAXŞON, DƏDƏ POPOK!
ÇAŞƏ RUŞİN, TOLIŞ! KULƏ ŞƏV: KULİ-KULİ ÇOŞANBƏ ŞƏV OMƏ! TOJƏ RUJ, NƏVUZƏ İD OMƏ – IŞTI İD!
ÇOON deəvul doə pasnəsut ne, QUR VƏŞƏ OTƏŞ BIBUN, DƏDƏ TOLIŞ! YALOVONIJ BILIND BIBU, DƏDƏ TOLIŞ! Bıdə IŞTI zoon, kinon bə hınə bon, tımb bıjənon, vaşte bıznon QUR VƏŞƏ ÇO BILINDƏ OTƏŞİ SƏPE, DƏDƏ TOLIŞ! Vaşte-vaşte dıli-sıxto bahandon: - "KULİ-KULİ ÇOŞANBƏ…”
KULƏ ŞƏVI MUBARƏK, ÇIMI QƏP JƏ ZIVON, ÇIMI VİNDƏ ÇAŞ, ÇIMI SƏ NƏFƏS, ÇIMI CON…! NƏVUZƏ İDI MUBARƏK, ŞİNƏ MOM, ŞİNƏ PƏM - XOSƏ T O L I Ş I M !
Mehdi bəy Səfərov,
Azəri - Tolış İctimai İbemoni sədr
|
