Xosə Tolış, əzizə xalq!
Kulə şəve ımşanqonə şəv! Haft qılə kıləşə kuə bəvoşnemon, şaməvəsəy! Çı otəşə kuon səpe vaşte-vaşte; "kuli-kuli çoşanbə! Sə dojım tınədə, dılə dojım tınədə. Dardı-bəlon orıxın, mıni çəvonku peroxın!..” – hade-hande, ıştən boştə şinə coniro hay dıvo-səno bəkamon!
Kıləşə kuon dosə oxi bəvəşen!
Kanə sori ha puçə əməlon de kıləşi ebəsuten! Ha dədurə qəpon, dılarıştə sıxanon, do-dıjmonon, nolə-nıfinon, betomon, şər-şəbədon vəşə kuədə voş bəqəten, mıncır bəben, xok bəben, de Xıdo koməki!
Çı ha Tolışi xonçədə haft qılə hard-brav bəbe! Emardə kıləşi vırədə ısə boy, çı xonçə miyonədə Nəvuzə idi mıjdəvoni vardə səməni havze-havze doydə!
Xose - mıborake, Şımə Kulə şəv, Nəvuzə id, Dədə Tolış, İnə zıvon, xosə xalq!
Bıdə ın Kul, ımsornə Nəvuzə id bə çımı milləti – bə Tolışi səloməti, xəşəconi, ruzi-bərəkət, tikəyən ağıl bıdə, ya Rəbb!
Bıdə bə ha Tolışi çokə rujqar ğısmət bıbu!
Bıdə ha Tolışi dasto hejo çokə ko bo!
Bıdə ha Tolış i yəndi ğədi bızıno! İnşallah!
Bə Şımə de ve yolə hurməti,
Mehdibəy Səfərov,
Azəri-Tolış İctimi İbemoni sədr
