20-nə əsri 33-nə soriku totalitar, diktatura imperiya bə, SSRİ rejimi ta-dosə nez ıştə viron be, "Tolış" nomış ğəti-ğədəğon karde! Tolışi zıvonədə nıvıştə, qəp jə rovşənfikon, ictimai-siyasi xadimonış iva bə "qulləjəy" məhkumış karde! Zılfiğar Əhməd-zadə, Mızəffər Nəsirli, Beyqəğə Mirsalayev, Şirəli Axundov və s. Bə Tolışi zıvoni, mədəniyyəti, milli ıştəniifadə, maddi-mənəvi hestemoni ğənim bıriyə ım rejimi jıqo zınəje ki, demiyən, Xıdo nıkardə, Tolışış kışte, əv marde...
İntasi, ən yolə Hakim, Rəhmə- Rahimən Xıdoye! Cəmi-cumlətoni 70 sor umurış karde zınəy, ım diktatura nek-neki vırti-vılo be, çımı xalqi - Tolışi nəfəsən, qədə-qədə oməy bəştə...
Bəle, Tolışi sinəş vaşte, nəfəsıj oməy bəştə, ijənən qədə-qədə zıvonış okarde - i tono bə zolımə imperiya vılobe səbəb, çə tonoən, çı Tolışi vətənpərvər, ğıryətin, mubariz qıləvıjnə fərzəndon beşen bə məydon!
Hilal Məmmədov, Şahan Tolıbi-zoə, Məmmədəğə Ağaguləvand, Ataxan Əbilov, Nəvuzəli Məmmədov, Tofiq İlham, Xanəli Tolış, Qulməmməd Məmmədzadə, Şiri Əvəz, Barat Qasımov, ijən co mərd- qıləvıjnə fərzəndon (Xıdo, rəhmətşəon vəyştməkon, mandəkəsonən xəşəcon bıkə!)...
De Xıdo koməki - 20-nə əsri 85-nə soriku jıqo, çı Tolış xalqi nomi həm de-fakto, həm de-yuro, həmən psixoloji bərpo karde roysə həməsə ve zəhmətəkəşonədə qıləyən, Hilal Məmmədove!
Imruj, yolə alim, Tolışi amon-zamon i qılə qəzeti - çı Tolışi sədo" qəzeti Sərredaktor Hilal Məmmədov ıştə xalqi milli ıştəni reablitasiya roysə kəşə, mislış nıbə zəhməti sayədə, de saxta ittihamon çan sore ki, çı Azərbaycani zindonədə məhbusə jiemon dəvondə!
Hilal çı Tolışi coninə simvole! Hilal çı Tolışi coninə əfsanəye! Hilal çı Tolışi əbədi vəşə çoye! Hilali nom bə Tolışi tarix de ğızılə hərfon nıvıştə bə!
XIDO, çı Tolışi yolə rovşənfikə Zoə kəybə okə! Amin!
Mehdibəy SƏFƏROV
