Xosə tolışon!
Şıməni ımruj damə, de muqəddəs Ğıbonə idi munasibəti dıli sıxto təbrik kardəm! Bəşmə xeyzonon baxtəvərəti, xəşəconəti, zəngin milli-mənəvi ruh, ərbobəti, ijənən dastojəti orzu kardəm!
Qıbonə idi fəlsəfi mahiyyət ve nığıle! In id Əməni bəçtə ətrofi bə səxavətəti, dıləsutəti, dastojəti karde dəvət kardə. Ha odəmi bə alicənobəti, bə insoniyyəti dəvət kardə, Ğıbonə id!
Şubhə ni ki, bo ha odəmi ən azizə hestemon çəy milli-mənəvi dəyəronin! Çımı aləmədə Ğıbionə idi ən yolə səvobonədən qıləy əve ki, insonon bəpe Bəştə mənəvi irsi, milli-mənəvi hestemoni qayğı nışo bıdən, xidmət bıkən! Tolışi xalq bə Ğıboni tarixi dırozi, hejo bənə Iştə muqəddəsə idi diyəj kardə, əçəy ritualonıj bə vırə rosnə! Çı Ğıboni sıə xuni bəştə çəkuti dəsuye ısə boy, çı Tolışi ıştə hestemoni hifz karde, bəştə ozodəti ve yolə hurmət karde əloməte!
Ve hurmətinə tolışon, əməni çı dınyo xalqon dılədə xarakterizə kardə əloməton, çəmə bəştə məxsusi mental xosyəton, curbəcurə idon, ayinon, ijən co adət-ənənon malik beye! Ğıbonə id həm maddi-mənəvi, həm ruhi, həmən psixoloji tərəfo Əməni dəvət kardə ki, ha tolış boştə xalqi mili ıştəni ifadə kardero fərdi ğaydadən bıbu, kam-ve ıştə töhvə bıdə!
Əzizə tolışon, Xudavandə-Aləmiku orzu kardəm ki, bo Tolışi jiemoniro, baçəy mental milli-mənəvi dəyəron nığo doyro, inkişaf kardero, çı dınyo xalqon dılədə ıştə məxsusi vırə qətero, bə ha tolışi fırsət bıdə! Amin!
Həzo jıqo idon dəvonoj, Tolış!
Mehdibəy Səfərov
Azəri - Tolış İctimai İbemoni sədr
