ƏSSALAMUN -ƏLEYKUM, EY "ODƏMİ" ZÜRYƏTON!
Mıni vindəcəğıno jıqo bızın bəşmə ranqi-ruf piyoz ancə be. Jıqo pəleşk bıyon ki, hiç çımı səlomi cəvobiən se nıpione...
- Mətarsən, pesutem pidənime... Çokoyəni boçi? Bəqorə ki, vallah boşmə lap bəbolim omedə, "Xıdo şımənış jə, bəndə bovniyəşe".
Hələ sərəsdəniyon boçi? Həni çiç bəbeki ?
Şımə inə zıvondə bəşmə qəp je ğədağan bə, konstitutsiya hüquqonku məhrumiyon, hırdənonon bo itkə nüni tərkivətənin, Ğərəboği müharibədə ha rüj əsqərə balon mafə omedə, rüşinfikə alimonon türmonədə kışdedən, şərləmiş kardedən, bə türmə dənoydən... Ənəndə fizki-fücudon bə tərəfi bımando, hələ üstəlik şıməni çı efiro təhqirən kardedən, şımə kali "dəmərəon ", yəni Tırkə -Tolışon çı hukuməti tolerantətiku, multi-pulti-kulturalizmiku, vətənpərvərətiku, "Azən hesdim" qəvbəpuri qəp je, lap odəmi sütdə-evoşnedə.
Çoko bəvoten: "Məymuni ışdənış voşnişe, jəşe zikkə, hay əmon,.. nnn..n sütüm, sütim..." Əy xıdo boşmə zəvol nıçokno, bəbolion!
Kəynə səbərəseon ki, şımə bı Tırkon ışdəni çanə pesüon, dəsüon, hiç xəyrış ni. İmi ikərəlığ bıznən ki, şımə həmməyəvo bəvono "separatçion " vəssalam.
İmiən bəşmə lap oşko bıvotım ki, 4 qılə zümrəku boşdə milləti imdod çəş məkən:
1. YAP-çi müəllimon;
2. Hukuməti Dindaron;
3. Huquq-muhafizə orqanon;
4. Ən təhlükəlion de APTEKON yolə mafiya pesoxtə həkimonin ki, ve faxte bə "Hipokrati" tü kardəşone, Xəlği çəş vinde-vinde məhf kardən, hiçkəsən hiçi karde zındəni.
Bı qorə votme ki, " Xıdo şımənış jə, bəndə bovniyə"...
Düz votdənimsə, nəsibım Dixlafos bıbu.
M U Ç Ə K - PERO
Sverdlovsk - Lankon
