Şirə zon, pətyorə zon,    
Tolışon, yolə merdon!             
Amburə don, nilə don,            
Ğədimə xolə merdon!         

Bə puçə ruj mandəjon!
Babəki dolə merdon!
Ləzi bəmı quş bıdən,
Zıvonın lolə merdon!

Oğo bıbən, məhətən!
Han-hıtın bolə merdon.
Bə dınyo moli məftun,
Əməlın kolə merdon!

Iştən boştə fərzəndon,
Kandəjon çolə, merdon!
Tarixi ro-rizonku,
Iştəni molə merdon!

Çı əcəb, məsdənijon?
İnə jə nolə, merdon!

Mirboği PURĞIBO
Boku, 2015-nə sor