Camal Şirəli zoa Ağayev (Camal Lələzoa) moəo bıə rayon Masalli Ğızlıvo diədə 1952-nə sori noyabri 10-də. Handəşe BDU filoloji fakultədə 1969-1974-nə soronədə. 40 sore dastkoy de pedaqoji fəoliyəti: Muəllim ko kardeydə Ğızlıvo-Dəlokobə məktəbo.

Imrujnə Azərboyconi (həmən tolışi) ədəbiyoti nominə şair, talantinə nasir Camal Lələzoə dı zıvonədə (bə tolışi , bə tırki) şeeron, hekayon nıvıştedə. 9 qılə kitobi muəllife. Şairi movardə ruji təbrik kardedəmon. Arzu kardedəmon bəy dırozə mənəynə umur, xəşəconəti deştə eli, deştə xeyzoni bə ico.

Ziyorəte

( Bə lələ ithof)

Iştı tono ome bomı qıləy Məkkə ziyorəte,
Tıni məsey, bətı quş doy ən mugəddəs qıraəte.
Tıniş bomı bılındəti, hevujəti, nığıləti,
Bətı səjdə kardey har ruj bomı yolə fəxorəte.
Dınyo oxoy dərk kardeye, əğıləti tərk kardeye
Vindemone, çı yodədə hejo mandə ziyofəte.
Nə dərs lozim, nə muəllim, əve dərsən, muəllimən,
Çəy har sıxan çemı umri nəqarəte, nəqarəte.
Tufan bıbuy, yaən zılmot, çemı tarsı-larz əbıni,
Çe lələ eşğ çemı dılo hojo sutə cəsarəte.
Ha Əzrayıl, məvo bə nez, tı əbədən məğlubiş bəy,
Iştı vədə vitey, bəmey bo Şirəli həqarəte.
Zikkə jəydəm hey bə dınyo, de jıqo pıə hərəbəxtim,
Layiğ bıboş bəçəy nomi, Cəmol, botı ləyağəte.