ƏLİ NASİR - 60
Im ğəzəlım bə Azərboyconi yolə ustod şairi ƏLİ NASIR-i ithofım kardə. Əli Nasiri mənəynə umri 60 sor təmom bedə. Əmə bəştə xəlği əzəmətinə, cəfokəşə şairi Xıdoku dırozə umur, iyən coni xəşiəti orzu kardəmon!
Təxəllüsış bəmə votdə - əv nasire;
Əmma şeyri sənətədə ve mahire!
Fənoş karde əy conış xəlği roədə,
Xəlğən ve həyğət votdə:”yolə şaire!”
Sinəş doə bə nav,bənəy Rustəmi Zali,
Cəmi canqonədə hejo əv ğahire!
Dılış qıləy nəhre,səbınış ni,fəğət,
Həlimsoyəti bəyo, əncəx zahire!
Noxələfon çəy şeyriku dəşən bə larz,
Çumki,xıslətədə, sərasər Sabire!
Qahi cuşedə, bənəy dərya peşedə,
Qahi məzlum çidə,çəşonış fağire!
Ruşin, ıştə şeyri dı məqtə oroxın,
Kulli-aləm zındə, əv Əli Nasire!
İzahət: Ğahir-ğalib (ər.)
