Yəğın hiç kəsi bımi şubhəj ni ki, bo Tolışi zıvoni, mədəniyyəti rostbemoni real ko kay ve çətine!
Çəmə vətənədə mınən de co ğıryətinə Tolışə zon, kinon bı roədə kam-ve, ıştə zu vışkə kon kardəmon!
Azərbaycan Respublikə hukmət bo Tolışi zıvoni, mədəniyyəti nığo doyro, inkişaf kardero nəinki jı ko kardəni, əksinə de ha vasitə bə deştə şəxsi səy ko kardəkəsonən mane bedə! Im, ıştə vırədə...
Isənə, curməy odəmon çəmə conijon uçi kardə, əvon bəsə hukmətisən ve, de ha vasitə bəçmə koy mane bedən! Əməni çı həvəso, çəmə ko karde ritmi saru, bə çəmə dılə dəğdəğə eğande qorış, əvon bə ha curə iftira dast ğandən! Əməni mutəmadi təhqir kardən! Bəmə betom votdən! Noşiə cıvonon dılədə dıtirəti eğandən! Tolışə rəyonon dılədə rəxnə eğandən! Iştə şəxsi problemon həl kardero mutəmadi ğaydədə cəmatiku pul qırdə kardən! Hejo doy, i kərə nıdoy, bəvədə tıni de şər-şəbədə şantaj, beabru kardən! Mılxəs, bə çəmə sə ve oynon vardən!...
Çı xisləti soybon de curməy psevdonomon fəaliyyət nışo doydən!
Çəvonədən qıləy, bə iblisanə məqsəıdon ğulluğ kardə "Amyəzo" nomədə psevdonome!
Həmonə "Amyəzo" psevdonomi jiədə i qrup odəmon ısətən, "çokə rojone pəydo kardə!.." Çiçin kardə? Əvon ımruj Azərbaycanədə, ki ıştə səj evə jə, bo Tolışi dıli sıxto, be təmənno ko kardə, əvoni de curbəcurə məqalon bə məsxərə noydən, pearış, de şər-şəbədə təhqir kardən! "Ay bərəkalla!.."
Əvon bə ha vırəjon dast rəsdə; həmonə cəfəngiyyaton de "Amyəzo" nomi iminə noydən "TolishPress.org" informasiya agentətiyədə, çəybəpeşt ə yazi noydən "Tolışon sədo" nomədə bə, ıştə şəxsi rujnomədə, çəğınən həmonə yazi de qəzeti nomi sənibəton noydən "Talısh.org" saytədə!... De minvoli əvon pidəjone ki, ıştənjon ofayə "Bermud sebucağ" -ədə əməni mu bıkən, bıtosnon!
İntasi, bomıro yo, qıləy məsələ ve marağine; ın Rafiq Cəlilovi bə sə dəşdəmon, əv deştə vəzifə məşğule! Çok! Bəs, bəy bı "Bermud sebucağ"ədə dastək doəkəson məqsəd, vəzifəjon çiçe!
Imi bə sə dəşdənimon!
Xıdo əməni çı nohəxə şəronku bıqordıno! Amin!!!
Mehdibəy SƏFƏROV,
facebook.com
"Talish.org"-i redaksiyəku: Tolışon Sədo qəzetədə dərc bə yazion qorə "Tolish.org" hiç qılə cəvobdiəti nıvondəni. Çəmə dı Tolışon Sədo qəzeti jogo qıləy roziətimon hese ki, qəzeti məzmuniku bəşəkrə nıbəy "Tolish.org" Tolışon Sədo qəzeti PDF formətədə pevılo bəka. Hətta qəzetədə çı "Tolısh.org"-i dumo əsos nıbə ittihamonən bıbu, əmə ıştə sıxanədə əqardınimon.
