Imruj, 1 yanvar 2014-nə sor tarixədə bə çəmə xalqi ve ğıryətinə zoə, deştə nımunə vardə jiemoni, dıli-sıxto nışo doə fəaliyyəti hejo bə Tolışi nomi şərəf vardə bə ruşinfikə boli Əlimərdan Şukurzodə ve qonə huzr qınyə! Əy bə dınyo vardə çəmə mubarəkə inə - Şahnoz xanım bə Xıdo rəhmət şə!
Hiç şubhəmon ni ki, Şahnozə inə vırə çı vəşti pen səye! Çumçıko, bəştə mənsub bə xalqi jıqo ağılmandə, ləyoğətinə, cəfokəşə, pətyorə zoə bəxş kardə inə hukmon çı Xıdovandə-Aləmi nəzə jiədə bəbe! Şahnozə inə co Tolışə inonsə fərqış əve ki, əy həm Əlimərdanıj bə dınyo varde, həmən bəy çokə tərbiyə, çokə zıvon, çokə əxlaqış doə!
Əmə, çı Azəri – Tolış İctimai İbemoni fəalon, bəştə xalqi milli-mənəvi dəyəron həm dıli-sıxto anqıl bə, həmən xidmət kardə, ve şəxsiyyətinə ruşinfik - bə Əlimərdan Şukurzadə dardi xanboz bedəmon! Bəy səbəsəloməti doydəmon!
Əlimərdan boli, Şahnozə inə iqlə ıştı inə ni, əv bənə tı çənə ğıryətinə Tolış heste, çəvon həməy inəye!
Imruj əmə, çı Əlimərdani duston, həmfikon bı ğəminə rujədə çəy tonikumon! Bəy votdəmon: - "Şahnoz inə bətı doə şıt həlol bıbu, boli!
Xıdo Şıməni bə çəmə xalqi baxş kardə avşumə inə, Şahnoz xanımi ğəni-ğəni rəhmət bıkə!”
De ve nığılə huzri çı ATİB kollektivi nomo,
Mehdibəy Səfərov
Azəri – Tolış İctimai İbemoni sədr
Tolışi ictimai fəalon, xususən şair Əli Nasir, Boku turməku Hilal Məmmədovən bə Əlimərdan Boyli səbəsəloməti doydən, bəy Xıdavandi-Aləmiku səbrjon pidəjone.
