Xosə duston!
Hurmətinə çı Azərbaycani de Tolışi poeziya həvəskon, ğədırzınə Əli Nasir piyəkəson!
1 may 2015-nə sorədə ğudrətinə ənvışt, istedadinə şair, otəşə vətənpərvər, ozodəti ələtəş ijən səloəjən, inqilabi fədayi, çı "Ozod vətən" himni muəllif Əli Nasiri 60 əmijış təmom bedə!
Şairi 60 sorə yubiley bəçəy nomi loyığ, bılındə səviyyədə dəvonero, 3 aprel 2015-nə sor tarixədə, de ictimai əsason, "əlinasirpiyəkəson" - Rafiq Cəlilov, Vuqar Mirzəzodə, Habil Məydonson, Seyran Dadaşov de Mehdibəy Səfərovi bə i vırə "Əli Nasir - 60" nomədə Təşəbbosə qrup soxtıjone!
Təşəbbosə qrup "Əli Nasir - 60" nomədə yubileyə tədbiri çəmə xalqi jiyemonədə bə tojə ədəbiyyatə hadisə, bədii cəhəto ısə boy, bə marağinə, zənginə ofayəmon peqordınero, şərti nomış "Okışiyə kiyədə Zil" bə ədəbi-bədii tədbiri təşkilatə kon bino kardəje!
"Əli Nasir - 60" Təşəbbosə qrup muğam-mahne handəkəsonku, bədii qiraətə ustonku, rəssamonku ijən co ofayəmonə sənətə ustonku rico kardə ki, yubiley məclisi əzəmətin, mənoyin ijən bılındə ofayəmonə rufədə dəvonero, bə şairi jimoni de ofayəmoni ıştə həsr kardə kon həxədə, dosə 25 aprel 2015-nə sor tarixi məlumat bıdən.
Tədbiri dəvardə vırə ijən tarixi həxədə əlovə məlumat bədomon!
Bə Şımə de ve yolə hurməti ijən səmimiyyəti,
"Əli Nasir - 60" Təşəbbosə qrup
OZOD VƏTƏN
(Himn)
Nəqarət:
Tolışə boon,
Milləti zoon.
Ay inə Vətən,
Con,şinə Vətən.
Ozod Vətən,ozod Vətən!
Tı çı Zərduşti təbiş,
Çı “Avesta” məbədiş,
Atropati mabədiş,
Boboki nımardə ğıryətiş.
Ozod Vətən,ozod Vətən!
Əmə ıştı xolimon,tı yolə do,
Conımon ğıbon bətı,ay şinə mo.
Rost bəkamon bə həvo milləti sədo,
Bəməse çı milləti ım həxə nido,
Bə həxi sədo bədo ə yolə Xıdo.
Ozod Vətən,ozod Vətən!
