Bı nezono çəmə “Aləm” ədəbi-bədiiyə, elmi-publisistikə jurnali 3-nə aşmard çapo beşə. İyo ve qəncinə nıvıştəyon dərcbən. Çəvonədə qıləyni Kıprız Universiteti dosent, tolışi alimə zoə dr. Elnur Ağayevi bə Tolışi mətbuat tarixi , bəçəy ofəyəvonon, bə jurnalist, folklorşunas, pedaqoq, şair Muzəffər Nəsirli həsrbə elmiyə məqalə bahandon nəzə cəlb kardedə.
Muəllifi de mevzu əlağəynə otırnəyon, tədğiğaton de elmiyə dəlilon təsbit kardəbə, bə okodoəbə qeşə səvonon istinodbə.
Marağin əve ki, dr. Elnur Ağayev bo tələbon turki zıvonədə elmiyə muhaziron handedə, Kıprızədə jiyeyro ko-bəədə, məişətədə, hande-nıvışteədə bə turki oko doydə; əncəx çəy bə tolışi nıvıştəbə elmiyə-publisistikə məqaləon zıvon bini çanə səlise, rəvone, bə tolışi ədəbi zıvoni neze.
Iştə inə zıvoni çı yodo benıkə, əy təmiz oko bıdə bə çəmə jıqo alimə zoon afərin bıbu!
Allahverdi BAYRAMİ
12.11.2016
