ƏSSALAMUN - ƏLEYKUM, EY ODƏMİ ZÜRYƏTON !

Xosə tolışon!

Nə kam, nə ve, düz 15 sorebən çəmə hamsiyə zoə Şirəli (ŞİR votdəbin) çı diədə beşəbe şəbe bə Urisiyət, bəkə omeydənıbe. 

Şiri inə Nəcimə dodo ışdə şüə Fazili məcbur kardə ki, merd bışi əğıli biəy bəkə. Rəhmətlığ Fazil mamu bilet sedə, şedə bə Nijnevartovski. Şir məsedə ki, pə omedə, şedə çok-çoki vıjorə xarci kardə, pə çoko lazime ğəbul kardə bəşdə kə.

Şanqo çokə polo doydə pate, nışdən bo harde, Şir i bulud bə puri polo okornedə bəşdə və, damandə harde. Fazil manu vindəki Şiri i bulud polo həmmə hardışe, ısənə şe səş eqəte bə poloə ğəzən...

O ruji maşdəvoni nışdən bo nəfo hade, Şir 10 qlə moğnə "qlazok", 5 iskan şinəçay, 500 ğramən "sliviçni rüən", vəş omedə bo harde... Hardə sə kardə. Fazil mamu ve fikir kardə ki, az ım əğıli bıbom bə Babakujə, əv çımı qujdiən baha, si əbıni..

Mandə mətəl, votdə ki, çımı balə, vallah bə papə con, ə xərobə Babakujə hiç lıvəni, çoko vindəbe, jəqoən ışdə vırədə mandə, bə di ome hiç bəşdə ağliən məvə, bəşem ışdı inə çok-çoki bəsə dəbənom. Bə balə con, urisiyət çoke, məvo bə di.

(Xıdo çəvon ha dıynəni rəhmət bıko. ŞİR həqiqətənən ŞİR bə, ve çokə nomış bekardəbe bə Nijnevartovskiədə. Isətən bəçəy qorə bəçəmə Tolışon əyo hurmət kardən )

Mətləb PERO